فوتو: Baq.kz
پرەزيدەنت كەڭەسشٸسٸ, بۇرىنعى قارجى مينيسترٸ ەرۇلان جاماۋباەۆ ٷنەمدەلگەن قارجىنى مەملەكەتتٸك قىزمەتشٸلەرگە تىيىم سالۋعا وراي پٸكٸر بٸلدٸردٸ, دەپ حابارلايدى Kazinform حاا.
«قارجى مينيسترلٸگٸنٸڭ جاۋاپتى حاتشىسى, قارجى مينيسترٸ بولىپ جۇمىس ٸستەدٸم. بۇل جەردە انىقتاپ كەتەتٸن مەسەلە بار. ەگەر بيۋدجەتتە سىياقىعا قاراجات كٶزدەلگەن بولسا, وندا ونى ەشكٸم الىپ قويمايدى. سىياقى رەتٸندە بەرٸلەدٸ. دەگەنمەن, مەملەكەتتٸك ورگاندار ساتىپ الۋ پروتسەسٸن جٷرگٸزگەندە ٷنەم بولادى. سول ٷنەمدٸ قارجى مينيسترلٸگٸ سىياقى رەتٸندە بەرمەۋ تۋرالى شەشٸم قابىلداپ وتىر. بٸراق ول ەلٸ زاڭداستىرىلماعان. قازىنالىق شوت بار. سودان بٸر-بٸرٸنە اۋدارۋعا بٶگەت قويماقشى. ەرينە, ٶزٸمدە بٸلەمٸن, قانشاما ادام مەملەكەتتٸك قىزمەتتە. قاراپايىم قىزمەتكەرلەرگە اۋىر تيەدٸ. ودان ٶزٸم دە ٶتكەنمٸن. سوندىقتان دۇرىس شەشٸم قابىلداۋ قاجەت», - دەدٸ ەرۇلان جاماۋباەۆ بٷگٸن ٶتەتٸن شەتەلدٸك ينۆەستورلار كەڭەسٸ وتىرىسى اياسىندا باق ٶكٸلدەرٸنٸڭ ساۋالىنا وراي.
سونىمەن قاتار ول ٷلكەن سوما ەمەس, قانداي دا بٸر قاراجات قالسا, وندا ونى بٶلۋگە بولاتىندىعىن ايتادى.
«بۇل زاڭعا قايشى ەمەس. قارسىمىن دەپ ايتا المايمىن. بٸراق ٸستەلٸپ جاتقان ەرەكەتتٸ تٷسٸنٸپ وتىرمىن. سەبەبٸ, مەملەكەت قاراجاتىن ٷنەمدەۋ باستى مەسەلە بولىپ وتىر. دۇرىس شەشٸم قابىلداۋ قاجەت», - دەدٸ ول.
كەشە مەجٸلٸستٸڭ جالپى وتىرىسىنان كەيٸن قارجى مينيسترٸ مەدي تاكيەۆ مەملەكەتتٸك قىزمەتشٸلەرگە ٷنەمدەلگەن بيۋدجەت قارجىسى سىياقى تٷرٸندە بەرٸلمەيتٸندٸگٸن ايتقان بولاتىن.
