Úndistannyń batysyndaǵy Maharashtra shtatynda joǵary patogendi H5N1 qus tumaýy virýsynyń órshýi tirkeldi, dep habarlaidy QazAqparat NDTV telearnasyna silteme jasap.
Jaqyn kúnderi Shahapýr aimaǵyndaǵy fermada infektsiianyń taralýyn toqtatý úshin 25 myńnan astam qus joiylmaq.
«Jaqynda Shahapýrdaǵy Vehloli aýylyndaǵy qus fabrikasynda 100-ge jýyq qus óldi. Úlgileri zertteý úshin Pýnadaǵy zerthanaǵa jiberildi, olardyń H5N1 qus tumaýynan ólgeni rastaldy», - dep habarlady telearna jergilikti bilik ókilderine silteme jasap. «Aldaǵy eki kúnde fermadan bir shaqyrym radiýsta ornalasqan qus fabrikalarynda 25 myńǵa jýyq qus joiylady».
Bul Úndistanda biylǵy qus tumaýynyń alǵashqy órshýi emes. Bihar shtatynyń biligi beisenbide H5N1 virýsy saldarynan Patna mańyndaǵy fermada 4000-ǵa jýyq qustyń 787-si ólgendigin, al qalǵan qustardyń barlyǵy soiylǵanyn habarlady.
