ٷندٸستاننىڭ باتىسىنداعى ماحاراشترا شتاتىندا جوعارى پاتوگەندٸ H5N1 قۇس تۇماۋى ۆيرۋسىنىڭ ٶرشۋٸ تٸركەلدٸ, دەپ حابارلايدى قازاقپارات NDTV تەلەارناسىنا سٸلتەمە جاساپ.
جاقىن كٷندەرٸ شاحاپۋر ايماعىنداعى فەرمادا ينفەكتسييانىڭ تارالۋىن توقتاتۋ ٷشٸن 25 مىڭنان استام قۇس جويىلماق.
«جاقىندا شاحاپۋرداعى ۆەحلولي اۋىلىنداعى قۇس فابريكاسىندا 100-گە جۋىق قۇس ٶلدٸ. ٷلگٸلەرٸ زەرتتەۋ ٷشٸن پۋناداعى زەرتحاناعا جٸبەرٸلدٸ, ولاردىڭ H5N1 قۇس تۇماۋىنان ٶلگەنٸ راستالدى», - دەپ حابارلادى تەلەارنا جەرگٸلٸكتٸ بيلٸك ٶكٸلدەرٸنە سٸلتەمە جاساپ. «الداعى ەكٸ كٷندە فەرمادان بٸر شاقىرىم راديۋستا ورنالاسقان قۇس فابريكالارىندا 25 مىڭعا جۋىق قۇس جويىلادى».
بۇل ٷندٸستاندا بيىلعى قۇس تۇماۋىنىڭ العاشقى ٶرشۋٸ ەمەس. بيحار شتاتىنىڭ بيلٸگٸ بەيسەنبٸدە H5N1 ۆيرۋسى سالدارىنان پاتنا ماڭىنداعى فەرمادا 4000-عا جۋىق قۇستىڭ 787-سٸ ٶلگەندٸگٸن, ال قالعان قۇستاردىڭ بارلىعى سويىلعانىن حابارلادى.
