Úndistan biligi el turǵyndarynan alynǵan analizderden buryn kezdespegen qos mýtatsiiasy bar koronavirýs anyqtalǵanyn málimdedi, dep habarlaidy VVS aqparattyq agenttigi.
Qazirgi kezde sarapshylar bul shtamnyń qanshalyqty juqpaly ekenin jáne onyń vaktsinalarǵa tózimdiliginiń deńgeiin tekserý ústinde. 18 shtatta alynǵan 11 myńǵa jýyq analizdiń ishinen mamandar 771-iniń ǵylymǵa burynnan belgili virýsty anyqtady. 736 analiz nusqasynan britandyq virýs, 34-inen – ońtústikafrikalyq virýs jáne bir braziliialyq virýs anyqtalǵan.
Bul rette, mamandardyń aitýynsha, kóptegen shtamdardyń bar bolýy aýrýǵa shaldyǵýdyń órshýimen tikelei bailanysty emes.
Sársenbi kúni Úndistanda koronavirýs juqtyrýdyń 47 262 jańa oqiǵasy men 275 ólim jaǵdaiy tirkelgen – bul biylǵy jylda tirkelgen eń joǵary kórsetkish.
Quramyna eldiń Densaýlyq saqtaý ministrliginiń bastamasymen 10 jetekshi ulttyq zerthana kirip otyrǵan Úndistannyń SARS-CoV-2 genomikasy jónindegi konsortsiýmy (INSACOG) virýstyń sońǵy úlgilerin gendik jaǵynan zerttedi.
Nátijesinde batystaǵy Maharashtra shtatynan jinalǵan úlgilerdiń bolmashy bóliginen ótken jyldyń jeltoqsan aiymen salystyrǵanda E484Q jáne L452R mýtatsiialarynyń úlesi baiqalyp otyrǵany anyqtalǵan.
Virýstar mýtatsiiaǵa jii ushyrap otyrady, alaida olar ýyttylyqtyń artýy nemese aýrýdyń asqynýyna ákelmeidi. Olai bolǵanymen, keibir mýtatsiialar, mysaly, britandyq nemese ońtústikafrikalyq mýtatsiialary virýsty budan da juqpaly, tipti ólimge ákeletindei ete alady.
