Oman Sultanatynda bilik meditsina qyzmetkerlerine pandemiia kezinde jumystan shyǵýǵa tyiym saldy. Bul týraly "Ult QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Bul talaptyń engizilýi COVID-19 virýsynyń jańa jaǵdailarynyń kóp tirkelýimen jáne jergilikti aýrýhanalardyń meditsinalyq qyzmetkerlerine artylǵan júktemeniń ulǵaiýymen bailanysty. Úkimet tyiym salýdyń dál qazirgi ýaqytta eń qajetti shara ekenin aitady.
Frantsiia kelýshiler mindetti túrde karantinnen ótkiziletin elderdiń tizimin keńeitedi. Mundai sharalar koronavirýstyń jańa shtamdarynyń taralýyn boldyrmaý maqsatynda qabyldanýda. Buǵan deiin bilik Braziliia, Úndistan, Chili, Ońtústik Afrika Respýblikasy, Argentina jáne Gvianadan kelgender úshin mindetti 10 kúndik karantin belgileý týraly jarlyq shyǵarǵan bolatyn.
Kambodja Úkimeti buqaralyq aqparat quraldaryna «qyzyl» aimaqtardaǵy oqiǵalardy jariialaýǵa jáne jedel járdem kólikterin túsirýge tyiym saldy, sebebi el infektsiianyń rekordtyq ósýimen kúresýde. Bilik aýrýhanalarda tósek oryndardyń jetispeýshiligine bailanysty mektepter men banket zaldaryn meditsinalyq ortalyqtarǵa qaita beiimdep jatyr.
6 mamyrdan bastap Bavariia biligi COVID-19-ǵa qarsy vaktsinalanǵan adamdar úshin áleýmettik shekteýlerdi alyp tastaidy. Bul týraly aimaq basshysy baspasóz máslihatynda málimdedi. Ol ekpe saldyrǵan jáne aýyryp jazylǵan adamdar týys-tanystarymen kedergisiz kezdesýlerge bara alatyndyǵyn jáne olarǵa komendanttyq saǵat talaptary qoldanylmaitynyn, mekemeler men dúkenderge barǵan kezde PTR testiniń nátijeleri talap etilmeitindigin atap ótti. Bavariianyń qalǵan turǵyndary úshin komendanttyq saǵat áli de 22:00-den 05:00-ge deiin áreket etedi.
Búgin Úndistanda koronavirýstan kóz jumý jaǵdailary men infektsiiany juqtyrý kórsetkishi boiynsha jańa rekord jańartyldy. Ótken táýlikte: 412 618 adamnan koronavirýs infektsiiasy anyqtalǵan bolsa, 3 982 adam aýrýdan qaitys boldy.
