Úndistanda koronavirýs juqtyrǵandar 20 millionnan asty. Densaýlyq saqtaý ministrligi bir kúnde 357 myńnan astam adamnan koronavirýs anyqtaǵan. Elde aýrýhanalarda oryn joq, dári-dármek pen ottegi apparattary tapshy.
Sońǵy úsh aida koronavirýs juqtyrǵandar eki esege kóbeigen, adam ólimi 220 myńnan asqan.
Ózge elderge qaraǵanda Úndistanda virýs óte jyldam tarap jatyr. 1 sáýirde elde 65 myńnan astam naýqas tirkelse, keiingi kúnderi 370 myńnan astam naýqas anyqtalyp júr. Adam ólimi kórsetkishi mamyrda 3 myńǵa jetken.
Indettiń órshýine koronavirýstyń tez juǵatyn túriniń taralýy sebep dep aitylady, buǵan qosa dini festivaldar men saiasi mitingiler kezinde adamdardyń toptasyp jinalýyna ruqsat bergen úkimet sheshimi de túrtki bolǵan.
Sarapshylar Úndistanda koronavirýs juqtyrǵandar men qaitys bolǵandar resmi statistikaǵa qaraǵanda áldeqaida kóp dep sanaidy. Elde aýrýhanalar tolyp ketken, dárigerler patsientterdi oryn joq dep qaitaryp jatyr. Indet densaýlyq saqtaý júiesiniń kemshilikterin kórsetken.
Amerikanyń joǵary laýazymdy sheneýnigi aldaǵy aptalarda 1,4 mlrd turǵyny bar elde úkimet durys qadam jasasa da, jaǵdai "óte qorqynyshty" bolady dep eskertti.
