Sýret: NDTV
Búgin, 2 shildede Úndistannyń Ýttar-Pradesh shtatynda dini shara kezinde keptelis saldarynan 100-den asa adam qaza tapty. Bul týraly NDTV habarlady.
Qaiǵyly oqiǵa júzdegen adam qatysqan satsang (syiyný rásimi) kezinde bolǵan. Qoǵamdyq densaýlyq saqtaý ortalyǵynan túsirilgen videoda birneshe máiitti avtobýspen alyp bara jatqanyn jáne týystarynyń jylap jatqanyn kórýge bolady.
Málimetterge qaraǵanda, qaza tapqandar arasynda áielder men balalar da bar. Túrli jaraqat alǵan 15 adam aýrýhanaǵa jetkizilgen. Ýttar-Pradesh shtaty basshysy Iogi Aditianath qaramaǵyndaǵylarǵa qaiǵyly jaǵdaidy baqylaýǵa alýdy buiyrdy. Qazir oqiǵa ornynda dárigerler men politseiler jumys istep jatyr.
Densaýlyq saqtaý ortalyǵynyń habarlaýynsha, 50-60 adam qaitys bolǵan. Keiin okrýk sheneýnikteri taǵy 27 adamnyń qaitys bolǵanyn rastady.
Keshke bas inspektor Shalabh Mathýr olardyń sany 116-ǵa deiin óskenin aitty.
"Úndistan prezidenti Draýpadi Mýrmý qaza bolǵandardyń otbasylaryna kóńil aitty", – delingen habarlamada.
Marqumdardyń otbasyna kómek kórsetilip, sharany uiymdastyrýshylarǵa qatysty qylmystyq is qozǵalady.
.jpg)