Biylǵy jyldyń birinshi jartysynda Úndistanda koronavirýs infektsiiasynyń ekinshi tolqyny kezinde kem degende 798 dáriger qaitys boldy. Bul týraly sársenbi kúni Times of India gazeti jazdy, dep habarlaidy "Ult aqparat".
Virýstan eń kóp kóz jumǵan dárigerler Deli qalasynyń astanalyq aýmaǵynda tirkelgen. Biyl munda koronavirýstan 128 dáriger qaitys boldy. Shyǵystaǵy Bihar shtatynda ómirden ozǵan dárigerler sany 115 adam bolsa, soltústiktegi Ýttar-Pradeshte 79 dáriger qaitys boldy.
Al ótken jyly búkil Úndistan boiynsha koronavirýstan 748 meditsinalyq qyzmetker kóz jumǵan edi.
1 shilde kúni elde atap ótiletin Meditsinalyq qyzmetkerleri kúni qarsańynda Úndistannyń premer-ministri Narendra Modi dárigerlerdiń koronavirýstyń taralýyna qarsy kúres júrgizý jáne milliondaǵan otandastarynyń ómirin qutqarýdaǵy airyqsha úlesin atap ótti.
Ótken táýlikte dárigerler elde koronavirýs juqtyrýdyń 45 951 jańa oqiǵasyn tirkegen. Epidemiia bastalǵaly, Úndistanda qaýipti virýs juqtyrǵandardyń jalpy sany 30 362 848 adamǵa jetti. Qaitys bolǵandar sany - 398 454.
