بيىلعى جىلدىڭ بٸرٸنشٸ جارتىسىندا ٷندٸستاندا كوروناۆيرۋس ينفەكتسيياسىنىڭ ەكٸنشٸ تولقىنى كەزٸندە كەم دەگەندە 798 دەرٸگەر قايتىس بولدى. بۇل تۋرالى سەرسەنبٸ كٷنٸ Times of India گازەتٸ جازدى, دەپ حابارلايدى "ۇلت اقپارات".
ۆيرۋستان ەڭ كٶپ كٶز جۇمعان دەرٸگەرلەر دەلي قالاسىنىڭ استانالىق اۋماعىندا تٸركەلگەن. بيىل مۇندا كوروناۆيرۋستان 128 دەرٸگەر قايتىس بولدى. شىعىستاعى بيحار شتاتىندا ٶمٸردەن وزعان دەرٸگەرلەر سانى 115 ادام بولسا, سولتٷستٸكتەگٸ ۋتتار-پرادەشتە 79 دەرٸگەر قايتىس بولدى.
ال ٶتكەن جىلى بٷكٸل ٷندٸستان بويىنشا كوروناۆيرۋستان 748 مەديتسينالىق قىزمەتكەر كٶز جۇمعان ەدٸ.
1 شٸلدە كٷنٸ ەلدە اتاپ ٶتٸلەتٸن مەديتسينالىق قىزمەتكەرلەرٸ كٷنٸ قارساڭىندا ٷندٸستاننىڭ پرەمەر-مينيسترٸ نارەندرا مودي دەرٸگەرلەردٸڭ كوروناۆيرۋستىڭ تارالۋىنا قارسى كٷرەس جٷرگٸزۋ جەنە ميلليونداعان وتانداستارىنىڭ ٶمٸرٸن قۇتقارۋداعى ايرىقشا ٷلەسٸن اتاپ ٶتتٸ.
ٶتكەن تەۋلٸكتە دەرٸگەرلەر ەلدە كوروناۆيرۋس جۇقتىرۋدىڭ 45 951 جاڭا وقيعاسىن تٸركەگەن. ەپيدەمييا باستالعالى, ٷندٸستاندا قاۋٸپتٸ ۆيرۋس جۇقتىرعانداردىڭ جالپى سانى 30 362 848 ادامعا جەتتٸ. قايتىس بولعاندار سانى - 398 454.
