Úndistannyń Gýdjarat shtatynyń batysyndaǵy Ahmedabad qalasynyń aýrýhanasynda órt bolyp, 8 adam qaza tapty, dep habarlaidy The Times of India basylymy.
Aldyn ala málimet boiynsha, órttiń tutanýyna jeldetý júiesindegi keleńsizdik sebep bolǵan. Qyzyl jalyn jarty saǵatta sóndirildi. Tilsiz jaýmen ondaǵan qutqarýshy men 15 arnaiy tehnika kúresti. Qalǵan naýqastar ýaqytsha basqa aýrýhanalarǵa kóshirildi.
Úndistan premer-ministri qaza tapqandardyń otbasyna kóńil aityp, órtten zardap shekken azamattardyń tezirek saýyǵyp ketýin tiledi.
