Úndistannyń soltústik-batysyndaǵy Pendjab shtatynda adamdar 100 milden astam qashyqtyqtan Gimalaidy kóre bastady, dep jazady CNN aqparat agenttigi.
Jalandhar qalasyndaǵy jáne onyń mańaiyndaǵy eldi mekenderdiń halqy áleýmettik jelilerde kóz ushynda kóringen Gimalaidyń sýretterin jariialap, 30 jyl ishinde alǵash ret osylai aiqyn kórinip turǵanyn jarysa jazýda.
Bul qubylys koronavirýs indetine bailanysty elde engizilgen karantinniń áserinen bolyp otyr. Halyqtyń qoǵamdyq oryndardan oqshaýlanýynan sońǵy aptada aýa sapasynyń kúrt jaqsarǵany baiqalǵan. Tótenshe jaǵdai kezinde ónerkásip oryndary jumysyn toqtalyp, kóshelerde kólik aǵyny tyiylyp, ushaqtardyń reisteri de shegerilgen.
Úndistandaǵy qorshaǵan ortanyń lastanýyn baqylaityn ortalyq keńesi Delide shekteýler engizilgen alǵashqy kúnnen bastap-aq aýanyń lastanýy 44%-ǵa tómendegenin anyqtaǵan. Esepte eldiń jalpy 85 qalasynda aýanyń tazara bastaǵany kórsetilgen. Al Gimalaidan 100 mildei qashyqtyqta ornalasqan Jalandharda karantinniń 17-inshi kúninde aýa sapasy tipten jaqsara túsken.
Búgingi tańda Úndistanda Covid-19 indetine ushyraǵan 6 myńǵa jýyq jaǵdai anyqtalyp, 178 adam qaza tapqan.
