Úndistan koronavirýstyń basty oshaǵyna ainaldy. Niý-Delide koronavirýstan kóz jumǵandardyń máiitin órteý jumystary táýlik boiy atqarylyp jatyr, dep habarlady Sputnik CNN agenttigine silteme jasap.
Seisenbide Soltústik Deli meri Djai Prakash Delidiń bas ministri Arvind Kedjrivalýge hat joldap, otyndy turaqty jetkizip turýdy surady.
Indýizmde adamdy tek órteý arqyly jerleýge ruqsat beriledi. Kóp óńirde krematorii oryndary júktemeni ýaqytyly oryndai almai jatyr. Washington Post sholýshysy Barka Datt osy aptada koronavirýstan ákesi qaitys bolǵanyn habarlady.
"Biz krematsiia jasaýǵa barǵanymyzda oryn joq ekeni belgili boldy. Birneshe otbasy orynǵa talasyp, tóbeles shyqty. Ákemniń máiitin órteý úshin politsiia shaqyrýǵa týra keldi", - deidi Barka Datt.
Pandemiiaǵa deiin kúnine 8-10 adam krematsiialanatyn. Qazir bul san 120-ǵa jetti. Oryn jetispeýshiligi saldarynan rásimdi avtoturaqta ótkizip jatyr.
Soltústik Deli meriniń aitýynsha, kásiporynda 600-ge jýyq máiit órteledi. Bul kórsetkish resmi derektegiden áldeqaida joǵary. Iaǵni málimetti burmalaý problemasy bar ekeni anyqtalyp otyr.
"Sońǵy bes saǵatta 55 máiitti krematsiialadyq. Kún sońyna deiin sany 100-ge jetedi. Men sharshadym. Biraq qazir sharshaityn ýaqyt emes. Qazir ult pen adamzat úshin eńbetenetin, adamdardyń ómirin qutqaratyn ýaqyt", - dedi krematorii basshysy Djitender Singh Shýnti.
Úkimet koronavrýs infektsiiasynyń taralýyna jol bermeý sharalaryn qabyldaýǵa tyrysyp jatyr. Qalalar men shtattarda shekteýler engizilip, kásiporyndar jabyldy.
Al Úndistan halqy úkimettiń qaýqarsyzdyǵy men baiaý áreket etip jatqanyna narazylyq bildirdi.
"Delide ottegi, tósek-oryn, jasandy tynys aldyrtý apparattary, plazmalyq inektsiialar bolmaǵandyqtan jaǵdai áli de ýshyǵady. Meniń ashýym kelip otyr. Alaida qolymnan esh shara kelmeitindikten, ózimdi kináli sezinemin. Osy ispen ainalysýǵa tiis adamdar tóbe kórsetpei ketti. Ýáde berdi de, ǵaiyp boldy", - deidi Shýnti.
Úmiti úzilgen turǵyndar koronavirýstan saqtaný úshin baqsy-balgerlerge barýǵa májbúr.
Úndistanda turatyn 1,3 milliard halyqtyń qazir tek eki protsenti ǵana vaktsinalanǵan.
