ٷندٸستان كوروناۆيرۋستىڭ باستى وشاعىنا اينالدى. نيۋ-دەليدە كوروناۆيرۋستان كٶز جۇمعانداردىڭ مەيٸتٸن ٶرتەۋ جۇمىستارى تەۋلٸك بويى اتقارىلىپ جاتىر, دەپ حابارلادى Sputnik CNN اگەنتتٸگٸنە سٸلتەمە جاساپ.
سەيسەنبٸدە سولتٷستٸك دەلي مەرٸ دجاي پراكاش دەليدٸڭ باس مينيسترٸ ارۆيند كەدجريۆالۋگە حات جولداپ, وتىندى تۇراقتى جەتكٸزٸپ تۇرۋدى سۇرادى.
يندۋيزمدە ادامدى تەك ٶرتەۋ ارقىلى جەرلەۋگە رۇقسات بەرٸلەدٸ. كٶپ ٶڭٸردە كرەماتوريي ورىندارى جٷكتەمەنٸ ۋاقىتىلى ورىنداي الماي جاتىر. Washington Post شولۋشىسى باركا داتت وسى اپتادا كوروناۆيرۋستان ەكەسٸ قايتىس بولعانىن حابارلادى.
"بٸز كرەماتسييا جاساۋعا بارعانىمىزدا ورىن جوق ەكەنٸ بەلگٸلٸ بولدى. بٸرنەشە وتباسى ورىنعا تالاسىپ, تٶبەلەس شىقتى. ەكەمنٸڭ مەيٸتٸن ٶرتەۋ ٷشٸن پوليتسييا شاقىرۋعا تۋرا كەلدٸ", - دەيدٸ باركا داتت.
پاندەميياعا دەيٸن كٷنٸنە 8-10 ادام كرەماتسييالاناتىن. قازٸر بۇل سان 120-عا جەتتٸ. ورىن جەتٸسپەۋشٸلٸگٸ سالدارىنان رەسٸمدٸ اۆتوتۇراقتا ٶتكٸزٸپ جاتىر.
سولتٷستٸك دەلي مەرٸنٸڭ ايتۋىنشا, كەسٸپورىندا 600-گە جۋىق مەيٸت ٶرتەلەدٸ. بۇل كٶرسەتكٸش رەسمي دەرەكتەگٸدەن ەلدەقايدا جوعارى. ياعني مەلٸمەتتٸ بۇرمالاۋ پروبلەماسى بار ەكەنٸ انىقتالىپ وتىر.
"سوڭعى بەس ساعاتتا 55 مەيٸتتٸ كرەماتسييالادىق. كٷن سوڭىنا دەيٸن سانى 100-گە جەتەدٸ. مەن شارشادىم. بٸراق قازٸر شارشايتىن ۋاقىت ەمەس. قازٸر ۇلت پەن ادامزات ٷشٸن ەڭبەتەنەتٸن, ادامداردىڭ ٶمٸرٸن قۇتقاراتىن ۋاقىت", - دەدٸ كرەماتوريي باسشىسى دجيتەندەر سينگح شۋنتي.
ٷكٸمەت كوروناۆرۋس ينفەكتسيياسىنىڭ تارالۋىنا جول بەرمەۋ شارالارىن قابىلداۋعا تىرىسىپ جاتىر. قالالار مەن شتاتتاردا شەكتەۋلەر ەنگٸزٸلٸپ, كەسٸپورىندار جابىلدى.
ال ٷندٸستان حالقى ٷكٸمەتتٸڭ قاۋقارسىزدىعى مەن باياۋ ەرەكەت ەتٸپ جاتقانىنا نارازىلىق بٸلدٸردٸ.
"دەليدە وتتەگٸ, تٶسەك-ورىن, جاساندى تىنىس الدىرتۋ اپپاراتتارى, پلازمالىق ينەكتسييالار بولماعاندىقتان جاعداي ەلٸ دە ۋشىعادى. مەنٸڭ اشۋىم كەلٸپ وتىر. الايدا قولىمنان ەش شارا كەلمەيتٸندٸكتەن, ٶزٸمدٸ كٸنەلٸ سەزٸنەمٸن. وسى ٸسپەن اينالىسۋعا تيٸس ادامدار تٶبە كٶرسەتپەي كەتتٸ. ۋەدە بەردٸ دە, عايىپ بولدى", - دەيدٸ شۋنتي.
ٷمٸتٸ ٷزٸلگەن تۇرعىندار كوروناۆيرۋستان ساقتانۋ ٷشٸن باقسى-بالگەرلەرگە بارۋعا مەجبٷر.
ٷندٸستاندا تۇراتىن 1,3 ميلليارد حالىقتىڭ قازٸر تەك ەكٸ پروتسەنتٸ عانا ۆاكتسينالانعان.
