Úndistannyń 15-inshi prezidenti bolyp Ulttyq-demokratiialyq aliansynan kandidat, 64 jastaǵy Draýpadi Mýrmý jariialandy, jep habarlaidy QazAqparat TASS agenttigine silteme jasap.
Mýrmý - Úndistan prezidenttigine sailanyp otyrǵan ekinshi áiel. Eldi basqarǵan alǵashqy áiel Pratibha Patil (2007-2012 jyldary) boldy. Sondai-aq, Mýrmý «azat elde», iaǵni britandyqtardan táýelsiz bolǵannan keiin dúniege kelgen Úndistannyń tuńǵysh prezidenti bolmaq. Ol 1958 jyly dúniege kelgen. Djarkhand shtatynyń eks-gýbernatory.
Draýpadi Mýrmý el prezidenti retinde 25 shildede ant beredi. Memlekettiń is basyndaǵy basshysy Ram Nath Kovindtiń ókilettik merzimi 24 shildede aiaqtalady.
Parlament jýrnalisterge usynǵan sońǵy málimetke sáikes, sanalǵan daýystardyń jalpy sany 3219 (jalpy quny 838 839). Onyń ishinde Draýpadi Mýrmý 2161 daýysqa ie boldy (jalpy quny 577 777). Al onyń básekelesi – oppozitsioner Iashvant Sinha – 1 058 daýys jinady (quny 261 062). Daýystardy esepteý júiesine sáikes, árbir sailaýshy daýysynyń «quny» ártúrli bolady. Ol shtat halqynyń sanyna bailanysty.
