Foto: QazAqparat
Kezekten tys Prezident sailaýyna úmitkerlerdi tirkeýdiń sońǵy sátinde Ortalyq sailaý komissiiasyna taǵy bir kandidat qujattaryn tapsyrdy, dep habarlaidy "Ult aqparat" OSK baspasóz qyzmetine silteme jasap.
Kandidatty «Qazaqstan áýesqoi fýtbolshylarynyń» qoǵamdyq birlestigi usynǵan.
"11 qazanda Qazaqstan Respýblikasynyń Ortalyq sailaý komissiiasyna «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq Zańynyń 54 jáne 55-baptaryna, sondai-aq «Qazaqstan Respýblikasy Prezidentiniń 2022 jylǵy 20 qarashaǵa taǵaiyndalǵan kezekten tys sailaýy boiynsha sailaý qujattarynyń nysandaryn belgileý týraly» Qazaqstan Respýblikasy Ortalyq sailaý komissiiasynyń 2022 jylǵy 23 qyrkúiektegi № 67/545 qaýlysyna sáikes Baqyt Maratuly Janabaevtyń «Qazaqstandyq Fýtbol Áýeskerleri Ligasy» qoǵamdyq birlestiginen Qazaqstan Respýblikasynyń Prezidenttigine kandidat bolyp usynylǵany týraly kelesi qujattary usynyldy:
1. «Qazaqstandyq Fýtbol Áýeskerleri Ligasy» qoǵamdyq birlestiginiń joǵary organy otyrysynyń Qazaqstan Respýblikasynyń Prezidenttigine kandidat bolyp usyný týraly hattamasynan úzindi;
2. B.M. Janabaevtyń Qazaqstan Respýblikasynyń Prezidenttigine kandidat bolýǵa kelisimi týraly ómirbaiandyq derekteri qosa berilgen ótinishi;
3. Qazaqstan Respýblikasy Ortalyq sailaý komissiiasynyń shotyna sailaý jarnasynyń engizilgenin kýálandyratyn qujat;
4. Jeke basyn kýálandyratyn qujattyń kóshirmesi;
5. Joǵary bilimi týraly diplomynyń kóshirmesi" - delingen habarlamada.
Janabaevtyń aitýynsha, 2001 jyldan beri memlekettik qyzmette eńbek etip keledi. Qazirgi ýaqytta Qarjy ministrligine qarasty memlekettik kirister departamentiniń qyzmetkeri.
