Teńgeniń dollarǵa qatysty baǵamynyń turaqsyz bolýy qoldan jasalyp otyr. Bul týraly "Halyq banki" AQ-nyń basqarma tóraiymy Úmit Shaiahmetova málimdedi, - dep habarlaidy kaz.tengrinews.kz tilshisi.
"Sońǵy eki kúnde bolǵan jaittar qoldan jasalyp otyr. Bul emotsiiaǵa negizdelgen. Onyń ústine, men klientterdiń pikirleri men áleýmettik jelide dollardyń 400 teńgege deiin baratyny týraly jazǵanyn oqyp júrmin. Sizder bilesizder Ulttyq bank teńgeniń álsireýine negiz joǵyn málimdegen bolatyn. Ol munai barreliniń qunyna, rýbl men dollar baǵamyna bailanysty. Menińshe, spekýliatsiia oryn aldy. Jaǵdai turaqtalady. Búgingi saýdadan teńgeniń nyǵaiyp kele jatqanyn kórip otyrmyz", - deidi Shaiahmetova jýrnalisterge bank pen "Qazposhta" AQ arasyndaǵy kelisimge qol qoiý kezinde.
Sonymen qatar, ol belgilengen teńge baǵamyna qaitýdyń sebebi joǵyn aitty.
"Erkin kýrsqa ótý qiyn boldy, Ulttyq bank jańa qarjy-kredittik saiasat ustandy. Kásibi naryq qatysýshylary beiimdelip úlgerdik. Endi teńgeni belgili baǵamda ustaý - bul memleket úshin tym qymbatqa túsedi", - deidi ol.
