Ulytaý oblysynyń ákimi taǵaiyndaldy, - dep habarlaidy "Ult aqparat" Aqorda saityna silteme jasap.
"Berik Ábdiǵaliuly Ulytaý oblysynyń ákimi laýazymyna taǵaiyndalsyn", - delingen Prezident Jarlyǵynda.
Ol 1971 jylǵy 18 qyrkúiekte Qaraǵandy oblysy Jezqazǵan kentinde dúniege kelgen.
1988 jyly Taraz qalasyndaǵy №45 gimnaziiany bitirgen. 1994 jyly ál-Farabi atyndaǵy Qazaq ulttyq ýniversitetin «Tarih» mamandyǵy boiynsha támámdaǵan. Saiasattaný ǵylymdarynyń kandidaty.
1994-1995 jyldary – QR Prezidenti janyndaǵy Qazaqstannyń strategiialyq zertteýler institýtynyń (QSZI) ǵylymi qyzmetkeri, 1995-1997 jyldar – ishki saiasat bóliminiń meńgerýshisi, direktordyń orynbasary.
1997-1999 jyldarda QR Baspa jáne buqaralyq aqparat isi jónindegi ulttyq agenttiginde, QR Mádeniet, aqparat jáne qoǵamdyq kelisim ministrliginde qyzmet atqardy.
1999-2001 jyldary QR Prezident Ákimshiliginde jumys istedi.
2001-2002 jyldary – Qaraǵandy oblysy Temirtaý qalasy ákiminiń orynbasary. 2002-2005 jyldary «Aq jol» QDP Ulttyq zertteýler institýtynyń direktory, «Saiasi aǵartý qory» QQ prezidenti bolyp jasady.
2005-2006 jyldary – «Atameken» kásipkerler men jumys berýshilerdiń jalpyulttyq odaǵynda keńesshi, «Atameken» ulttyq damý ortalyǵy» JShS direktory. 2007-2008 jyldary – QR Prezident Ákimshiliginde bas inspektor, Ishki saiasat bólimi meńgerýshisiniń orynbasary. 2008-2010 jyldary – «Memlekettik tildi damytý qory» QQ direktory.
2010 jylǵy qańtar men 2012 jylǵy qańtar aralyǵynda – Qaraǵandy oblysy Ulytaý aýdanynyń ákimi, Jezqazǵan qalasynyń ákimi.
2012 jyly – 1-shi Vitse-Premerdiń keńesshisi.
2012 jylǵy mamyr men 2013 jylǵy naýryz aralyǵynda – Qostanai oblysy Arqalyq qalasynyń ákimi. 2013 jyly – Qaraǵandy oblysy ákiminiń orynbasary.
2016-2017 jyldary – QR Prezidenti janyndaǵy QSZI direktorynyń keńesshisi, bas ǵylymi qyzmetker, QR Qarýly Kúshteri Áskeri-tarihi murajaiynyń bas ǵylymi qyzmetkeri, QR Qorǵanys ministrligi.
2017 jylǵy mamyr men 2019 jylǵy mamyr aralyǵynda – QR Ulttyq murajaiynyń «Qasietti Qazaqstan» ǵylymi-zertteý ortalyǵynyń jetekshisi. 2019 jylǵy mamyr men qazan aralyǵynda – QR Mádeniet jáne sport ministriniń shtattan tys keńesshisi, QR Ulttyq muraǵatynyń «Arhiv-2025» ǵylymi-ádistemelik ortalyǵynyń jetekshisi.
2019 jylǵy qazan men 2021 jylǵy qańtar – Qaraǵandy oblysy Ulytaý aýdanynyń ákimi boldy.
2021 jyldan Parlament Májilisiniń depýtaty.
2017 jyly «Óńirlik jáne mýnitsipialdyq menedjment» mamandyǵy boiynsha MBA dárejesin RF Prezidenti janyndaǵy Resei halyq sharýashylyǵy jáne memlekettik qyzmet akademiiasynda (Máskeý q.) qorǵady.
10 kitaptyń jáne qazaqstandyq jáne sheteldik ǵylymi basylymdardaǵy 100-den astam ǵylymi jariialanymdardyń avtory.
«10 jyl Astana» (2008 j.), «Qazaqstan Táýelsizdigine 20 jyl» (2011 j.), «20 jyl Astana» (2008 j.), «Qurmet» ordenimen (2017 j.) marapattalǵan. Tósbelgiler – QR BǴM «Qazaqstan Respýblikasynyń ǵylymyn damytýǵa sińirgen eńbegi úshin» (2016 j.), QR MSM «Mádeniet salasynyń úzdigi» (2019 j.).
Otbasyly, úsh balasy bar.
