Foto: ashyq derekkóz
Oblys prokýratýrasy ózge de quqyq qorǵaý organdarymen birlesip, esirtki zattarynyń zańsyz ainalymyn anyqtaý jáne jolyn kesý boiynsha maqsatty jumys júrgizýde, dep habarlaidy Ult.kz.
Aǵymdaǵy jyly zańsyz ainalymnan 160 kg astam esirtki zattary tárkilenip, oblys aýmaǵyna esirtki jetkizýdiń 3 óńirlik arnasy toqtatyldy.
Osylaisha, a.j. 7 tamyzynda oblys prokýratýrasynyń úilestirýimen Jezqazǵan, Sátbaev qalalary men Keńgir kenti aýmaǵynda keń aýqymdy jedel-izdestirý is-sharalaryn júrgizý barysynda asa iri mólsherde esirtki zattaryn saqtaý jáne satý faktisi boiynsha 7 tulǵa ustalyp, olardan 100 kg astam esirtki zattary tabylyp, tárkilendi.
Budan bólek, Sátbaev qalasynda «G» esimdi azamatsha ustalyp, odan 600 gr astam sintetikalyq esirtki tabyldy. Oǵan esirtki Qaraǵandy qalasynan taksi arqyly jetkizilgen jáne sońǵy oblys aýmaǵynda «zakladka» tásilimen ótkizip otyrǵan.
Esirtki saýdasymen ainalysatyn internet-dúkenderdiń qyzmetin álsiretý maqsatynda 2870 bank esep shoty buǵattalyp, jalpy somasy 92 mln teńgeden astam aqsha qarajatyna tyiym salyndy.
