Foto: Úkimet
Prezident Qasym-Jomart Toqaevtyń tapsyrmasy boiynsha Ulytaý óńirinde áleýmettik mańyzdy jobalar júzege asyrylýda. Sonyń ishinde densaýlyq saqtaý salasyna erekshe kóńil bólinip, aýyl turǵyndarynyń meditsinalyq qyzmetke qoljetimdiligin arttyrýǵa baǵyttalǵan jańa nysandar boi kóterýde, dep habarlaidy Ult.kz.
Arnaýly memlekettik qordan bólingen 880 mln teńge zańsyz iemdenilgen aktivterden qaitarylǵan qarajat esebinen densaýlyq saqtaý infraqurylymyn damytýǵa jumsaldy. Bul qarjy «Aýylda densaýlyq saqtaýdy jańǵyrtý» ulttyq jobasy aiasynda 7 jańa nysannyń qurylysyna baǵyttaldy.
Atap aitqanda, Aqtúbek pen Keńgir aýyldarynda eki dárigerlik ambýlatoriia paidalanýǵa berilmek. Buǵan qosa, Betbulaq, Pioner, Qorǵasyn, Ainabulaq jáne Egindi aýyldarynda bes meditsinalyq pýnkttiń qurylysy júrip jatyr.
Jańa nysandardy jyl sońyna deiin iske qosý josparlanǵan. Joba júzege asqan jaǵdaida, aýyl turǵyndary sapaly meditsinalyq qyzmetke qol jetkizip, Ulytaý oblysynyń densaýlyq saqtaý júiesi edáýir nyǵaiady.
