Sýret: ashyq derekkóz
2023 jyly álemde náreste ólimi 1000 balaǵa shaqqanda 28 ólimdi qurady, dep habarlaidy "Ult aqparat" Ranking.kz saityna silteme jasap.
Náreste óliminiń eń joǵary kórsetkishi Aýǵanstanda tirkeldi — 1000 balaǵa shaqqanda 103,1 ólim. Saharanyń ońtústigindegi Afrika elderinde de joǵary kórsetkishter baiqaldy, mysaly, Somali (85,1), Ortalyq Afrika Respýblikasy (81,7), Ekvatorlyq Gvineia (77,9), Serra-Leone (72,3).
2023 jyly eń tómengi náreste ólimi Sloveniia (1,5), Singapýr (1,5), Islandiia (1,6), Norvegiia (1,8), Monako (1,8) jáne Japoniiada (1,9) tirkeldi. Belarýs te tómen kórsetkishke ie elder qatarynda, 1000 balaǵa shaqqanda 2,1 ólimmen.
Eýraziialyq ekonomikalyq odaq (EAEO) elderi arasynda Resei (6,6) jáne Qazaqstan (8,1) eń tómengi kórsetkishterge ie boldy. Armeniiada bul kórsetkish 11,9 boldy. Ortalyq Aziiada Túrkimenstanda náreste ólimi ortasha álemdik deńgeiden joǵary, 1000 balaǵa shaqqanda 36,7.
Qazaqstan ulttyq statistika biýrosynyń málimetteri boiynsha, 2023 jyly eldegi náreste óliminiń kórsetkishi 1000 sábige shaqqanda 7,67-ni qurady. 2022 jyly bul kórsetkish 7,68 bolǵan. Qala men aýyldaǵy ólim deńgeileri aitarlyqtai erekshelenedi: aýylda – 8,37, qalada – 7,18.
Uldar arasynda náreste ólimi joǵary, bul jaǵdai 2008 jyldan beri jalǵasyp keledi. 2023 jyly uldar arasynda ólim kórsetkishi 1000 sábige shaqqanda 8,54, al qyzdar arasynda 6,74 boldy.
Biyl náreste óliminiń kórsetkishi ósip, qańtar-naýryz ailarynda 1000 balaǵa shaqqanda 8,51-ge jetti. 2023 jyldyń osy kezeńinde bul kórsetkish 7,78 bolǵan. Eń joǵary kórsetkishter Qostanai (13,78), Pavlodar (12,03) jáne Aqtóbe (11,59) oblystarynda tirkeldi.
Ulytaý oblysynda qańtar-naýryzda 1000 sábige shaqqanda 11,58 ólim bolǵan. Densaýlyq saqtaý basqarmasy bul jaǵdaidy aýrýdyń kóp bolýymen, aýrýhanaǵa kesh jatqyzylýymen jáne kadr tapshylyǵy men materialdyq-tehnikalyq jaraqtandyrýdyń jetkiliksizdigimen túsindiredi.
Náreste óliminiń eń tómen deńgeii Astanada (6,05), Qaraǵandy oblysynda (6,38) jáne Almatyda (6,58) baiqaldy.
