سۋرەت: اشىق دەرەككٶز
2023 جىلى ەلەمدە نەرەستە ٶلٸمٸ 1000 بالاعا شاققاندا 28 ٶلٸمدٸ قۇرادى, دەپ حابارلايدى "ۇلت اقپارات" Ranking.kz سايتىنا سٸلتەمە جاساپ.
نەرەستە ٶلٸمٸنٸڭ ەڭ جوعارى كٶرسەتكٸشٸ اۋعانستاندا تٸركەلدٸ — 1000 بالاعا شاققاندا 103,1 ٶلٸم. ساحارانىڭ وڭتٷستٸگٸندەگٸ افريكا ەلدەرٸندە دە جوعارى كٶرسەتكٸشتەر بايقالدى, مىسالى, سومالي (85,1), ورتالىق افريكا رەسپۋبليكاسى (81,7), ەكۆاتورلىق گۆينەيا (77,9), سەررا-لەونە (72,3).
2023 جىلى ەڭ تٶمەنگٸ نەرەستە ٶلٸمٸ سلوۆەنييا (1,5), سينگاپۋر (1,5), يسلاندييا (1,6), نورۆەگييا (1,8), موناكو (1,8) جەنە جاپونييادا (1,9) تٸركەلدٸ. بەلارۋس تە تٶمەن كٶرسەتكٸشكە يە ەلدەر قاتارىندا, 1000 بالاعا شاققاندا 2,1 ٶلٸممەن.
ەۋرازييالىق ەكونوميكالىق وداق (ەاەو) ەلدەرٸ اراسىندا رەسەي (6,6) جەنە قازاقستان (8,1) ەڭ تٶمەنگٸ كٶرسەتكٸشتەرگە يە بولدى. ارمەنييادا بۇل كٶرسەتكٸش 11,9 بولدى. ورتالىق ازييادا تٷركٸمەنستاندا نەرەستە ٶلٸمٸ ورتاشا ەلەمدٸك دەڭگەيدەن جوعارى, 1000 بالاعا شاققاندا 36,7.
قازاقستان ۇلتتىق ستاتيستيكا بيۋروسىنىڭ مەلٸمەتتەرٸ بويىنشا, 2023 جىلى ەلدەگٸ نەرەستە ٶلٸمٸنٸڭ كٶرسەتكٸشٸ 1000 سەبيگە شاققاندا 7,67-نٸ قۇرادى. 2022 جىلى بۇل كٶرسەتكٸش 7,68 بولعان. قالا مەن اۋىلداعى ٶلٸم دەڭگەيلەرٸ ايتارلىقتاي ەرەكشەلەنەدٸ: اۋىلدا – 8,37, قالادا – 7,18.
ۇلدار اراسىندا نەرەستە ٶلٸمٸ جوعارى, بۇل جاعداي 2008 جىلدان بەرٸ جالعاسىپ كەلەدٸ. 2023 جىلى ۇلدار اراسىندا ٶلٸم كٶرسەتكٸشٸ 1000 سەبيگە شاققاندا 8,54, ال قىزدار اراسىندا 6,74 بولدى.
بيىل نەرەستە ٶلٸمٸنٸڭ كٶرسەتكٸشٸ ٶسٸپ, قاڭتار-ناۋرىز ايلارىندا 1000 بالاعا شاققاندا 8,51-گە جەتتٸ. 2023 جىلدىڭ وسى كەزەڭٸندە بۇل كٶرسەتكٸش 7,78 بولعان. ەڭ جوعارى كٶرسەتكٸشتەر قوستاناي (13,78), پاۆلودار (12,03) جەنە اقتٶبە (11,59) وبلىستارىندا تٸركەلدٸ.
ۇلىتاۋ وبلىسىندا قاڭتار-ناۋرىزدا 1000 سەبيگە شاققاندا 11,58 ٶلٸم بولعان. دەنساۋلىق ساقتاۋ باسقارماسى بۇل جاعدايدى اۋرۋدىڭ كٶپ بولۋىمەن, اۋرۋحاناعا كەش جاتقىزىلۋىمەن جەنە كادر تاپشىلىعى مەن ماتەريالدىق-تەحنيكالىق جاراقتاندىرۋدىڭ جەتكٸلٸكسٸزدٸگٸمەن تٷسٸندٸرەدٸ.
نەرەستە ٶلٸمٸنٸڭ ەڭ تٶمەن دەڭگەيٸ استانادا (6,05), قاراعاندى وبلىسىندا (6,38) جەنە الماتىدا (6,58) بايقالدى.
