Foto: TJM baspasóz qyzmeti
Ulytaý oblysynda gaz ballony jarylyp, 16 adam zardap shekti, dep habarlaidy "Ult aqparat" Tótenshe jaǵdailar ministrligine silteme jasap.
"27 jeltoqsanda Ulytaý oblysynyń Jańaarqa kentinde jeke turǵyn úidiń aýmaǵyndaǵy monshada turmystyq gaz ballony jaryldy. Nátijesinde 100 sh.m. aýmaqta monsha shatyry buzylyp, 50 sh.m. alańnyń janýyna ákeldi. TJD kúshteri órtti jedel túrde oqshaýlady.
Aldyn ala málimetter boiynsha, oqiǵa bolǵan úide as berilgen. Jarylys saldarynan 16 adam zardap shekti. Olardyń 8-i aýrýhanaǵa jatqyzyldy, 1-i aýyr jaǵdaida. 8 adam úilerine jiberildi. Óitkeni meditsinalyq tekserý kezinde aýrýhanaǵa jatqyzý qajettiligi bolǵan joq" - delingen habarlamada.
Oqiǵa ornynda Jańaarqa kentiniń 6-ÓSB kúshteri men quraldary jumys istep jatyr: jeke quramnyń 4 adamy, TJB qyzmetkerleri – 2 adam jáne 1 birlik Ats-40 tehnikasy. Jarylystyń sebebi men jaǵdailary anyqtalýda.
Aldyn ala derekterge sáikes qaýipsizdik tehnikasy óreskel buzylǵan – gaz ballony aiazdan úige ákelinip, jylytý qurylǵysynyń janyna qoiylǵan.
