فوتو: تجم باسپاسٶز قىزمەتٸ
ۇلىتاۋ وبلىسىندا گاز باللونى جارىلىپ, 16 ادام زارداپ شەكتٸ, دەپ حابارلايدى "ۇلت اقپارات" تٶتەنشە جاعدايلار مينيسترلٸگٸنە سٸلتەمە جاساپ.
"27 جەلتوقساندا ۇلىتاۋ وبلىسىنىڭ جاڭاارقا كەنتٸندە جەكە تۇرعىن ٷيدٸڭ اۋماعىنداعى مونشادا تۇرمىستىق گاز باللونى جارىلدى. نەتيجەسٸندە 100 ش.م. اۋماقتا مونشا شاتىرى بۇزىلىپ, 50 ش.م. الاڭنىڭ جانۋىنا ەكەلدٸ. تجد كٷشتەرٸ ٶرتتٸ جەدەل تٷردە وقشاۋلادى.
الدىن الا مەلٸمەتتەر بويىنشا, وقيعا بولعان ٷيدە اس بەرٸلگەن. جارىلىس سالدارىنان 16 ادام زارداپ شەكتٸ. ولاردىڭ 8-ٸ اۋرۋحاناعا جاتقىزىلدى, 1-ٸ اۋىر جاعدايدا. 8 ادام ٷيلەرٸنە جٸبەرٸلدٸ. ٶيتكەنٸ مەديتسينالىق تەكسەرۋ كەزٸندە اۋرۋحاناعا جاتقىزۋ قاجەتتٸلٸگٸ بولعان جوق" - دەلٸنگەن حابارلامادا.
وقيعا ورنىندا جاڭاارقا كەنتٸنٸڭ 6-ٶسب كٷشتەرٸ مەن قۇرالدارى جۇمىس ٸستەپ جاتىر: جەكە قۇرامنىڭ 4 ادامى, تجب قىزمەتكەرلەرٸ – 2 ادام جەنە 1 بٸرلٸك اتس-40 تەحنيكاسى. جارىلىستىڭ سەبەبٸ مەن جاعدايلارى انىقتالۋدا.
الدىن الا دەرەكتەرگە سەيكەس قاۋٸپسٸزدٸك تەحنيكاسى ٶرەسكەل بۇزىلعان – گاز باللونى ايازدان ٷيگە ەكەلٸنٸپ, جىلىتۋ قۇرىلعىسىنىڭ جانىنا قويىلعان.
