Áleýmettik jelide Ulytaý oblysy Jańaarqa aýdanyna zymyran qulaǵany týraly aqparat tarady. Jergilikti ákimdik jaǵdaiǵa qatysty pikir bildirdi, - dep habarlaidy Tengrinews.kz.
Jańaarqa aýdanynyń turǵyndary Orynbai aýyly mańyndaǵy dalaǵa qulaǵan ǵarysh kemesiniń fragmentin túsirip aldy. Turǵyndar kemeniń synyǵy azamattardyń densaýlyǵy men qorshaǵan ortaǵa qaýip tóndirýi múmkin dep qaýiptenedi.
Jańaarqa aýdanynyń ákimdigi jaǵdaiǵa qatysty pikir bildirdi. Vedomstvo qulaǵan fragment "Progress MS-21" ǵarysh kemesine tiesili ekenin málimdedi.
"Bul - "Progress MS-21" júk kemesiniń fragmenti. Ol Orynbai eldi mekeninen 25 shaqyrym jerge qulaǵan. Jaqyn mańdaǵy qystaýlardyń turǵyndary evakýatsiialandy. Orynbai aýylynyń turǵyndaryn kóshirgen joqpyz. "Roskosmos" mamandary ǵarysh kemesiniń ushý kúni men ýaqytyn aldyn ala bilip, fragmenttiń qulaǵan jerin anyqtaǵan. Olar bul jerdi kúzetetin arnaiy jedel áreket etý tobyn qurdy. Ǵarysh apparatynyń alǵashqy fragmentteri alyp tastaldy, olar qaýip tóndirmeidi", - dedi baspasóz qyzmeti ókilderi.
