Ulytaý oblysynda «Atameken» Ulttyq kásipkerler palatasynyń ókildigi ashyldy, dep habarlaidy QazAqparat.
Óńirde 14,5 myńnan astam shaǵyn jáne orta biznes sýbektisi bar. Olardyń 9 myńnan astamy – jeke kásipkerler, taǵy 3 myńy – fermer sharýashylyqtar.
Ulytaý oblysyndaǵy «Atameken» UKP ókildiginiń negizgi mindetteri: biznesti qorǵaý, ShOB 2.0 baǵdarlamasy sheńberinde salalyq saiasatty damytý, salalyq saraptama, sonyń ishinde biznes-qaýymdastyqtarmen sapaly jumys júrgizý.
«Jańa ókildiktiń ashylýy – birinshi kezekte, ekonomikalyq turǵyda mańyzdy sheshim. Ulytaý – elimizdiń tarihi jáne geografiialyq ortalyǵy, bul óńir qashanda qazaq halqynyń besigi sanalǵan. Búgin biz Ulytaý oblysynyń kásipkerler palatasyn birge iske qostyq. Osylaisha kásipkerlikti damytý men qoldaýdyń tolyqqandy infraqurylymyn qurýǵa jol ashtyq. Palata kásipkerlikti damytý úshin barynsha tolyq qyzmet usynatyn bolady», – dedi «Atameken» QR UKP tóralqa tóraǵasy Raiymbek Batalov jańa keńseniń ashylýynda.
Málim bolǵandai, jaqynda Abai jáne Jetisý oblystarynda «Atameken» UKP ókildikterin ashý josparlanǵan.
