ۇلىتاۋ وبلىسىندا «اتامەكەن» ۇلتتىق كەسٸپكەرلەر پالاتاسىنىڭ ٶكٸلدٸگٸ اشىلدى, دەپ حابارلايدى قازاقپارات.
ٶڭٸردە 14,5 مىڭنان استام شاعىن جەنە ورتا بيزنەس سۋبەكتٸسٸ بار. ولاردىڭ 9 مىڭنان استامى – جەكە كەسٸپكەرلەر, تاعى 3 مىڭى – فەرمەر شارۋاشىلىقتار.
ۇلىتاۋ وبلىسىنداعى «اتامەكەن» ۇكپ ٶكٸلدٸگٸنٸڭ نەگٸزگٸ مٸندەتتەرٸ: بيزنەستٸ قورعاۋ, شوب 2.0 باعدارلاماسى شەڭبەرٸندە سالالىق ساياساتتى دامىتۋ, سالالىق ساراپتاما, سونىڭ ٸشٸندە بيزنەس-قاۋىمداستىقتارمەن ساپالى جۇمىس جٷرگٸزۋ.
«جاڭا ٶكٸلدٸكتٸڭ اشىلۋى – بٸرٸنشٸ كەزەكتە, ەكونوميكالىق تۇرعىدا ماڭىزدى شەشٸم. ۇلىتاۋ – ەلٸمٸزدٸڭ تاريحي جەنە گەوگرافييالىق ورتالىعى, بۇل ٶڭٸر قاشاندا قازاق حالقىنىڭ بەسٸگٸ سانالعان. بٷگٸن بٸز ۇلىتاۋ وبلىسىنىڭ كەسٸپكەرلەر پالاتاسىن بٸرگە ٸسكە قوستىق. وسىلايشا كەسٸپكەرلٸكتٸ دامىتۋ مەن قولداۋدىڭ تولىققاندى ينفراقۇرىلىمىن قۇرۋعا جول اشتىق. پالاتا كەسٸپكەرلٸكتٸ دامىتۋ ٷشٸن بارىنشا تولىق قىزمەت ۇسىناتىن بولادى», – دەدٸ «اتامەكەن» قر ۇكپ تٶرالقا تٶراعاسى رايىمبەك باتالوۆ جاڭا كەڭسەنٸڭ اشىلۋىندا.
مەلٸم بولعانداي, جاقىندا اباي جەنە جەتٸسۋ وبلىستارىندا «اتامەكەن» ۇكپ ٶكٸلدٸكتەرٸن اشۋ جوسپارلانعان.
