Foto: Ortalyq kommýnikatsiialar qyzmeti
Ulytaý oblysynyń ákimi Berik Ábdiǵaliuly óńirge «ekologiialyq apat aldyndaǵy aimaq» statýsyn berý bastamasy qai satyda ekenin aitty, dep habarlaidy Kazinform agenttigi.
«Alǵashqy ulttyq quryltaidyń aldynda Ulytaý oblysyna «Ekologiialyq apat aldyndaǵy aimaq» statýsyn berý týraly másele kóteretinińizdi aityp edińiz. Bul másele qashan sheshimin tabady?» dep surady jýrnalist ortalyq kommýnikatsiialar qyzmetinde ótken brifingide.
Berik Ábdiǵaliuly Úkimettiń aldyna ol bastamany qoiǵanyn atap ótti.
«Byltyr aitqan sol jumys áli júrip jatyr. Úkimet «dáleldeńder» dedi. Dáleldeý úshin qarajat bóldik. «Ekosfera» degen kompaniia utyp alyp, sol qarjyǵa búkil oblystyń jerine, sýyna, aýasyna - bárine zertteý júrgizip jatyr. Onyń nátijesi endigi jyly ǵana shyǵady. Sonyń qorytyndysy boiynsha ǵana óńir apatty ma, apatty emes pe degendi anyq aita alamyz. Eger nátijesi apatty dese, onda biz airyqsha mártebe suraimyz. Apatty emes dese, negizdeme joq. Onsyz usynysyńyz negizsiz dep Úkimet qaitaryp beredi», - dedi ákim.
