فوتو: ورتالىق كوممۋنيكاتسييالار قىزمەتٸ
ۇلىتاۋ وبلىسىنىڭ ەكٸمٸ بەرٸك ەبدٸعاليۇلى ٶڭٸرگە «ەكولوگييالىق اپات الدىنداعى ايماق» ستاتۋسىن بەرۋ باستاماسى قاي ساتىدا ەكەنٸن ايتتى, دەپ حابارلايدى Kazinform اگەنتتٸگٸ.
«العاشقى ۇلتتىق قۇرىلتايدىڭ الدىندا ۇلىتاۋ وبلىسىنا «ەكولوگييالىق اپات الدىنداعى ايماق» ستاتۋسىن بەرۋ تۋرالى مەسەلە كٶتەرەتٸنٸڭٸزدٸ ايتىپ ەدٸڭٸز. بۇل مەسەلە قاشان شەشٸمٸن تابادى?» دەپ سۇرادى جۋرناليست ورتالىق كوممۋنيكاتسييالار قىزمەتٸندە ٶتكەن بريفينگٸدە.
بەرٸك ەبدٸعاليۇلى ٷكٸمەتتٸڭ الدىنا ول باستامانى قويعانىن اتاپ ٶتتٸ.
«بىلتىر ايتقان سول جۇمىس ەلٸ جٷرٸپ جاتىر. ٷكٸمەت «دەلەلدەڭدەر» دەدٸ. دەلەلدەۋ ٷشٸن قاراجات بٶلدٸك. «ەكوسفەرا» دەگەن كومپانييا ۇتىپ الىپ, سول قارجىعا بٷكٸل وبلىستىڭ جەرٸنە, سۋىنا, اۋاسىنا - بەرٸنە زەرتتەۋ جٷرگٸزٸپ جاتىر. ونىڭ نەتيجەسٸ ەندٸگٸ جىلى عانا شىعادى. سونىڭ قورىتىندىسى بويىنشا عانا ٶڭٸر اپاتتى ما, اپاتتى ەمەس پە دەگەندٸ انىق ايتا الامىز. ەگەر نەتيجەسٸ اپاتتى دەسە, وندا بٸز ايرىقشا مەرتەبە سۇرايمىز. اپاتتى ەمەس دەسە, نەگٸزدەمە جوق. ونسىز ۇسىنىسىڭىز نەگٸزسٸز دەپ ٷكٸمەت قايتارىپ بەرەدٸ», - دەدٸ ەكٸم.
