Almatyda Abai atyndaǵy Opera jáne balet teatrynda Qazaqstan Jazýshylar odaǵynyń kezekti XV quryltaiy ótti. Quryltaida Qazaqstan Jazýshylar odaǵy Basqarmasynyń jańa Tóraǵasy sailandy.
Quryltaiǵa Qazaqstan Respýblikasy Mádeniet jáne sport ministri Arystanbek Muhamediuly qatysyp, Elbasy Nursultan Nazarbaevtyń quttyqtaýyn oqyp berdi. Quttyqtaý hatynda Elbasy Qazaqstan Jazýshylar Odaǵynyń HV quryltaiynyń ashylýymen quttyqtap, quryltai jumysyna tabys tiledi. Búginge deiin Jazýshylar odaǵynyń tóraǵasy qyzmetin atqaryp kelgen Nurlan Orazalin atqarǵan jumystarǵa kezeń-kezeńimen sholý jasap ótti.
Quryltaida Qazaqstan Jazýshylar odaǵy Basqarmasynyń jańa quramasyn, Qazaqstan Jazýshylar odaǵy Basqarmasynyń jańa Tóraǵasyn, baqylaý-tekserý komissiiasyn sailap, aǵalar alqasynyń quramyn bekitý qarastyrylǵan.
Nurlan Orazalin óz erkimen bul jolǵy sailaýǵa túspeitinin málimdegennen keiin, jańa Tóraǵanyń kim bolatyny kópshilik qyzyǵýshylyǵyn týdyrdy. Qalamgerler sheshimimen Basqarma Tóraǵasy qyzmetine QR Memlekettik syilyǵynyń iegeri, kórnekti aqyn Ulyqbek Esdáýlet usynyldy. Basqarma músheleriniń daýys berý nátijesinde biraýyzdan sheshim qabyldanyp, Ulyqbek Esdáýlettiń kandidatýrasyn qoldady.
Al, Jazýshylyr odaǵynyń jańa basshysy Ulyqbek Esdáýlet bolashaqta "Rýhani jańǵyrý" baǵdarlamasy aiasynda jańa serpinmen jumys jasaitynyn málimdedi. Sondai-aq, Odaq tóraǵasynyń birinshi orynbasary qyzmetine Aqberen Elgezek taǵaiyndalsa, Mereke Qulkenov, Baqyt Bedelhan, Baýyrjan Jaqyp ta Odaq Tóraǵasy orynbasarlary bolyp sailandy.
Aita ketsek, Ulyqbek Orazbaiuly Esdáýlet 1954 jyly 29 sáýirde Shyǵys Qazaqstan oblysy Zaisan aýdany Úlken Qaratal aýylynda dúniege kelgen.
S.M.Kirov atyndaǵy Qazaq memlekettik ýniversitetiniń jýrnalistika fakýltetin (1977) jýrnalist mamandyǵy boiynsha, M.Gorkii atyndaǵy Ádebiet institýty janyndaǵy Joǵary ádebi kýrstardyń poeziia bólimin (Máskeý qalasy, 1985) ádebietshi mamandyǵy boiynsha bitirgen. Gýmanitarlyq ǵylymdar akademiiasynyń qurmetti akademigi (2004 jyldan). Qazaqstan jýrnalistika akademiiasynyń tolyq akademik-múshesi. M. Áýezov atyndaǵy Semei ýniversitetiniń qurmetti professory (2007 jyldan).
«Qanat qaqty» (1974), «Juldyz jaryǵy» (1977), «Aptaidyń altyntamyry» (1979), «Ulystyń uly kúni» (1982), «Aq kerýen» (1985), «Jaratylys» (1989), «Júrektegi jarylystar» (1995), «Altai asýlary» (1988), «Zaman-ai» (1999), «Kiiz kitap» (2001) kitaptarynyń; «Ahillestiń ókshesi» óleńder jinaǵynyń (2003); qazaq tilindegi 5 tomdyq shyǵarmalar jinaǵynyń (2006), «Yntyq zar» (2009), «Ábilhaiat» (2009) avtory. «Semei-Nevada» qozǵalysynyń ánurany «Zaman-ai» áni sózderiniń avtory. Aqynnyń shyǵarmalary shet telderine aýdarylǵan. Úndi, túrik, fin, afrika, aljir, ýkrain, ázirbaijan, qyrǵyz, abhaz, monǵol, saha-iakýt jáne basqa halyqtardyń aqyndarynyń óleńderin; Sondai-aq M.Lermontovtyń, A.Bloktyń, D.Kedrinniń, N.Rýbtsovtyń jáne t.b. birqata shyǵarmalaryn qazaq tiline aýdarǵan. Qazaq, orys jáne túrik tilderin biledi.
1971 jyldan - Shyǵys Qazaqstan oblystyq gazetiniń korrektory. 1977 jyldan - respýblikalyq «Qazaqstan pioneri» gazetiniń bólim meńgerýshisi. 1979 jyldan - «Jazýshy» baspasynyń redaktory (Almaty qalasy). 1985 jyldan – Qazaq televiziiasy jastar redaktsiiasynyń redaktory. 1986 jyldan - «Qazaq ádebieti» gazeti redaktsiiasy syn bóliminiń tilshisi. 1988 jyldan - Qazaqstan Jazýshylar odaǵy basqarmasynyń hatshysy. 1991 jyldan - «Jas Qazaq» gazetiniń bas redaktory. 1993 jyldan - QR Syrtqy ister ministrliginde bólim meńgerýshisi. 1997 jyldan – QR Qoǵamdyq kelisim, aqparat jáne mádeniet ministrliginiń bólim meńgerýshisi. 2000 jyldan - QR Premer-ministriniń Keńsesinde mádeniet sektorynyń meńgerýshisi. 2002 jyldan - «Qazaq ádebieti» gazeti redaktsiiasynyń bas redaktory. 2008 jyldan beri «Juldyz» ádebi jýrnalynyń bas redaktory qyzmetin atqaryp keldi. Qazaqstan Jazýshylar odaǵy basqarmasynyń hatshysy.
Memlekettik syilyqty taǵaiyndaý jónindegi QR Memlekettik komissiiasynyń, Eskertkishter men monýmentter jónindegi Memlekettik komissiiasynyń, Túrki áleminiń ádebi jýrnaldary kongresiniń Turaqty keńesiniń múshesi.
«Qurmet» ordenimen (2001); «Qazaqstan Konstitýtsiiasyna 10 jyl» (2005), «Astananyń 10 jyldyǵy» (2008) medaldarymen marapattalǵan. Qazaqstan Lenin komsomoly (1986), «Jiger» shyǵarmashyl jastar baiqaýlarynyń (1979), túrki tildes elder poeziiasy baiqaýynyń (1995), halyqaralyq «Alash» (2000), QR Memlekettik syilyqtarynyń (2003) laýreaty. Reseidiń Altyn Esenin medaliniń kavaleri (2007). «Qara pima» poemasy «Jalyn» respýblikalyq (jabyq) ádebi saiysynyń jeńimpazy atanǵan (1982).
Ulyqbek Esdáýlet "Jalyn" jýrnaly uiymdastyrǵan jabyq báigesinin jeńimpazy (1982), Qazaqstan Jastar Odaǵy syilyǵynyń (1986), Qazaqstan memlekettik syilyǵynyń (2002) laýreaty. "Qurmet" ordenimen marapattalǵan (2001)
