الماتىدا اباي اتىنداعى وپەرا جەنە بالەت تەاترىندا قازاقستان جازۋشىلار وداعىنىڭ كەزەكتٸ XV قۇرىلتايى ٶتتٸ. قۇرىلتايدا قازاقستان جازۋشىلار وداعى باسقارماسىنىڭ جاڭا تٶراعاسى سايلاندى.
قۇرىلتايعا قازاقستان رەسپۋبليكاسى مەدەنيەت جەنە سپورت مينيسترٸ ارىستانبەك مۇحامەديۇلى قاتىسىپ, ەلباسى نۇرسۇلتان نازارباەۆتىڭ قۇتتىقتاۋىن وقىپ بەردٸ. قۇتتىقتاۋ حاتىندا ەلباسى قازاقستان جازۋشىلار وداعىنىڭ حV قۇرىلتايىنىڭ اشىلۋىمەن قۇتتىقتاپ, قۇرىلتاي جۇمىسىنا تابىس تٸلەدٸ. بٷگٸنگە دەيٸن جازۋشىلار وداعىنىڭ تٶراعاسى قىزمەتٸن اتقارىپ كەلگەن نۇرلان ورازالين اتقارعان جۇمىستارعا كەزەڭ-كەزەڭٸمەن شولۋ جاساپ ٶتتٸ.
قۇرىلتايدا قازاقستان جازۋشىلار وداعى باسقارماسىنىڭ جاڭا قۇراماسىن, قازاقستان جازۋشىلار وداعى باسقارماسىنىڭ جاڭا تٶراعاسىن, باقىلاۋ-تەكسەرۋ كوميسسيياسىن سايلاپ, اعالار القاسىنىڭ قۇرامىن بەكٸتۋ قاراستىرىلعان.
نۇرلان ورازالين ٶز ەركٸمەن بۇل جولعى سايلاۋعا تٷسپەيتٸنٸن مەلٸمدەگەننەن كەيٸن, جاڭا تٶراعانىڭ كٸم بولاتىنى كٶپشٸلٸك قىزىعۋشىلىعىن تۋدىردى. قالامگەرلەر شەشٸمٸمەن باسقارما تٶراعاسى قىزمەتٸنە قر مەملەكەتتٸك سىيلىعىنىڭ يەگەرٸ, كٶرنەكتٸ اقىن ۇلىقبەك ەسدەۋلەت ۇسىنىلدى. باسقارما مٷشەلەرٸنٸڭ داۋىس بەرۋ نەتيجەسٸندە بٸراۋىزدان شەشٸم قابىلدانىپ, ۇلىقبەك ەسدەۋلەتتٸڭ كانديداتۋراسىن قولدادى.
ال, جازۋشىلىر وداعىنىڭ جاڭا باسشىسى ۇلىقبەك ەسدەۋلەت بولاشاقتا "رۋحاني جاڭعىرۋ" باعدارلاماسى اياسىندا جاڭا سەرپٸنمەن جۇمىس جاسايتىنىن مەلٸمدەدٸ. سونداي-اق, وداق تٶراعاسىنىڭ بٸرٸنشٸ ورىنباسارى قىزمەتٸنە اقبەرەن ەلگەزەك تاعايىندالسا, مەرەكە قۇلكەنوۆ, باقىت بەدەلحان, باۋىرجان جاقىپ تا وداق تٶراعاسى ورىنباسارلارى بولىپ سايلاندى.
ايتا كەتسەك, ۇلىقبەك ورازبايۇلى ەسدەۋلەت 1954 جىلى 29 سەۋٸردە شىعىس قازاقستان وبلىسى زايسان اۋدانى ٷلكەن قاراتال اۋىلىندا دٷنيەگە كەلگەن.
س.م.كيروۆ اتىنداعى قازاق مەملەكەتتٸك ۋنيۆەرسيتەتٸنٸڭ جۋرناليستيكا فاكۋلتەتٸن (1977) جۋرناليست ماماندىعى بويىنشا, م.گوركيي اتىنداعى ەدەبيەت ينستيتۋتى جانىنداعى جوعارى ەدەبي كۋرستاردىڭ پوەزييا بٶلٸمٸن (مەسكەۋ قالاسى, 1985) ەدەبيەتشٸ ماماندىعى بويىنشا بٸتٸرگەن. گۋمانيتارلىق عىلىمدار اكادەميياسىنىڭ قۇرمەتتٸ اكادەميگٸ (2004 جىلدان). قازاقستان جۋرناليستيكا اكادەميياسىنىڭ تولىق اكادەميك-مٷشەسٸ. م. ەۋەزوۆ اتىنداعى سەمەي ۋنيۆەرسيتەتٸنٸڭ قۇرمەتتٸ پروفەسسورى (2007 جىلدان).
«قانات قاقتى» (1974), «جۇلدىز جارىعى» (1977), «اپتايدىڭ التىنتامىرى» (1979), «ۇلىستىڭ ۇلى كٷنٸ» (1982), «اق كەرۋەن» (1985), «جاراتىلىس» (1989), «جٷرەكتەگٸ جارىلىستار» (1995), «التاي اسۋلارى» (1988), «زامان-اي» (1999), «كيٸز كٸتاپ» (2001) كٸتاپتارىنىڭ; «احيللەستٸڭ ٶكشەسٸ» ٶلەڭدەر جيناعىنىڭ (2003); قازاق تٸلٸندەگٸ 5 تومدىق شىعارمالار جيناعىنىڭ (2006), «ىنتىق زار» (2009), «ەبٸلحايات» (2009) اۆتورى. «سەمەي-نەۆادا» قوزعالىسىنىڭ ەنۇرانى «زامان-اي» ەنٸ سٶزدەرٸنٸڭ اۆتورى. اقىننىڭ شىعارمالارى شەت تەلدەرٸنە اۋدارىلعان. ٷندٸ, تٷرٸك, فين, افريكا, الجير, ۋكراين, ەزٸربايجان, قىرعىز, ابحاز, مونعول, ساحا-ياكۋت جەنە باسقا حالىقتاردىڭ اقىندارىنىڭ ٶلەڭدەرٸن; سونداي-اق م.لەرمونتوۆتىڭ, ا.بلوكتىڭ, د.كەدريننٸڭ, ن.رۋبتسوۆتىڭ جەنە ت.ب. بٸرقاتا شىعارمالارىن قازاق تٸلٸنە اۋدارعان. قازاق, ورىس جەنە تٷرٸك تٸلدەرٸن بٸلەدٸ.
1971 جىلدان - شىعىس قازاقستان وبلىستىق گازەتٸنٸڭ كوررەكتورى. 1977 جىلدان - رەسپۋبليكالىق «قازاقستان پيونەرٸ» گازەتٸنٸڭ بٶلٸم مەڭگەرۋشٸسٸ. 1979 جىلدان - «جازۋشى» باسپاسىنىڭ رەداكتورى (الماتى قالاسى). 1985 جىلدان – قازاق تەلەۆيزيياسى جاستار رەداكتسيياسىنىڭ رەداكتورى. 1986 جىلدان - «قازاق ەدەبيەتٸ» گازەتٸ رەداكتسيياسى سىن بٶلٸمٸنٸڭ تٸلشٸسٸ. 1988 جىلدان - قازاقستان جازۋشىلار وداعى باسقارماسىنىڭ حاتشىسى. 1991 جىلدان - «جاس قازاق» گازەتٸنٸڭ باس رەداكتورى. 1993 جىلدان - قر سىرتقى ٸستەر مينيسترلٸگٸندە بٶلٸم مەڭگەرۋشٸسٸ. 1997 جىلدان – قر قوعامدىق كەلٸسٸم, اقپارات جەنە مەدەنيەت مينيسترلٸگٸنٸڭ بٶلٸم مەڭگەرۋشٸسٸ. 2000 جىلدان - قر پرەمەر-مينيسترٸنٸڭ كەڭسەسٸندە مەدەنيەت سەكتورىنىڭ مەڭگەرۋشٸسٸ. 2002 جىلدان - «قازاق ەدەبيەتٸ» گازەتٸ رەداكتسيياسىنىڭ باس رەداكتورى. 2008 جىلدان بەرٸ «جۇلدىز» ەدەبي جۋرنالىنىڭ باس رەداكتورى قىزمەتٸن اتقارىپ كەلدٸ. قازاقستان جازۋشىلار وداعى باسقارماسىنىڭ حاتشىسى.
مەملەكەتتٸك سىيلىقتى تاعايىنداۋ جٶنٸندەگٸ قر مەملەكەتتٸك كوميسسيياسىنىڭ, ەسكەرتكٸشتەر مەن مونۋمەنتتەر جٶنٸندەگٸ مەملەكەتتٸك كوميسسيياسىنىڭ, تٷركٸ ەلەمٸنٸڭ ەدەبي جۋرنالدارى كونگرەسٸنٸڭ تۇراقتى كەڭەسٸنٸڭ مٷشەسٸ.
«قۇرمەت» وردەنٸمەن (2001); «قازاقستان كونستيتۋتسيياسىنا 10 جىل» (2005), «استانانىڭ 10 جىلدىعى» (2008) مەدالدارىمەن ماراپاتتالعان. قازاقستان لەنين كومسومولى (1986), «جٸگەر» شىعارماشىل جاستار بايقاۋلارىنىڭ (1979), تٷركٸ تٸلدەس ەلدەر پوەزيياسى بايقاۋىنىڭ (1995), حالىقارالىق «الاش» (2000), قر مەملەكەتتٸك سىيلىقتارىنىڭ (2003) لاۋرەاتى. رەسەيدٸڭ التىن ەسەنين مەدالٸنٸڭ كاۆالەرٸ (2007). «قارا پيما» پوەماسى «جالىن» رەسپۋبليكالىق (جابىق) ەدەبي سايىسىنىڭ جەڭٸمپازى اتانعان (1982).
ۇلىقبەك ەسدەۋلەت "جالىن" جۋرنالى ۇيىمداستىرعان جابىق بەيگەسٸنٸن جەڭٸمپازى (1982), قازاقستان جاستار وداعى سىيلىعىنىڭ (1986), قازاقستان مەملەكەتتٸك سىيلىعىنىڭ (2002) لاۋرەاتى. "قۇرمەت" وردەنٸمەن ماراپاتتالعان (2001)
