Shirek ǵasyrdan astam ýaqytta qiyndyq pen kúrdeli kezeńderdi bastan ótkersek te, Tuńǵysh prezidentimiz N.Á.Nazarbaevtyń saiasi sheshimderi men joldaýlary, baiypty baǵdarlamalary ulttyq rýhymyzdy saqtap qala aldy. Ol el damýynyń jarqyn úlgisi men onyń naqty qadamdaryn kórsetetin jarqyn ister hám batyl sheshimderge bara bildi.
Barlyq zamanaýi táýekelder men jahandyq úderisterdi qosa alǵandaǵy qazaqstandyq rýhani qundylyqtyń jandanýyna baǵyttalǵan Memleket basshynyń joldaýlary ám maqalalary, óz kezeginde, ulttyq biregeilikti saqtaý, azamattar sanasynyń ashyqtyǵy men bilimge baýlýyn dáripteý, pragmatizm, básekege qabilettilikti arttyrý, qoǵamdyq sanany jańǵyrtýdyń mańyzdylyǵyn alǵa tartty.
Sondai-aq, N.Á.Nazarbaev áp sátte ózgerip otyrǵan dúbirli dúniede sana-sezimimiz ben dúnietanymymyzǵa ábden sińisti bolyp qalǵan taptaýryn qaǵidalardan arylý jáne rýhani jaǵynan serpilý kerektigin de árqashan basty nazarda ustady.
30 jylǵa jýyq ýaqytta Táýelsizdigimizdiń tamyryn tereńdetip, eldiń eńsesin kóterip, aibynyn asqaqtatatyn Astana qalasyn Álem tanyǵan elordaǵa ainaldyrdy. Bul aitýly shaharda qanshama strategiialyq sheshimder qabyldanyp, irgeli eńbekter júzege asyryldy.
Búgingi jetken jetistigimizdiń de tikelei Tuńǵysh Prezidentimizge qatysty ekenin joqqa shyǵara almaimyz. Sol sebepti, Elbasynyń keshe ǵana jasaǵan tarihi málimdemesi kóregendik pen kemeńgerliktiń nátijesi dep bilemin.
Eldiń erteńin oilaityn, sanasy sergek, ultty bolashaqqa baǵyttai alatyn Qasym-Jomart Kemeluly Toqaevty Prezidenttikke usynýynda da birinshi kezekte halyqty, keleshek urpaqty oilaý múddesi turǵandyǵy anyq.
Elbasymyzdyń ózi bas sáýletshisi bolǵan Astana qalasyna Nur-Sultan aty berilýi jónindegi sheshimdi óz tarapymnan tolyqtai qoldaimyn jáne osy ózgeris Petropavl, Pavlodar, Óskemen, Lisakovsk, Rýdnyi, t.b. qalalardyń atynyń ózgerýine bastama bolsyn degen tilegim bar!..
Ulyqbek Esdáýlet,
Qazaqstan Jazýshylar odaǵy
basqarmasynyń Tóraǵasy
.jpeg)