شيرەك عاسىردان استام ۋاقىتتا قيىندىق پەن كٷردەلٸ كەزەڭدەردٸ باستان ٶتكەرسەك تە, تۇڭعىش پرەزيدەنتٸمٸز ن.ە.نازارباەۆتىڭ ساياسي شەشٸمدەرٸ مەن جولداۋلارى, بايىپتى باعدارلامالارى ۇلتتىق رۋحىمىزدى ساقتاپ قالا الدى. ول ەل دامۋىنىڭ جارقىن ٷلگٸسٸ مەن ونىڭ ناقتى قادامدارىن كٶرسەتەتٸن جارقىن ٸستەر ھەم باتىل شەشٸمدەرگە بارا بٸلدٸ.
بارلىق زاماناۋي تەۋەكەلدەر مەن جاھاندىق ٷدەرٸستەردٸ قوسا العانداعى قازاقستاندىق رۋحاني قۇندىلىقتىڭ جاندانۋىنا باعىتتالعان مەملەكەت باسشىنىڭ جولداۋلارى ەم ماقالالارى, ٶز كەزەگٸندە, ۇلتتىق بٸرەگەيلٸكتٸ ساقتاۋ, ازاماتتار ساناسىنىڭ اشىقتىعى مەن بٸلٸمگە باۋلۋىن دەرٸپتەۋ, پراگماتيزم, بەسەكەگە قابٸلەتتٸلٸكتٸ ارتتىرۋ, قوعامدىق سانانى جاڭعىرتۋدىڭ ماڭىزدىلىعىن العا تارتتى.
سونداي-اق, ن.ە.نازارباەۆ ەپ سەتتە ٶزگەرٸپ وتىرعان دٷبٸرلٸ دٷنيەدە سانا-سەزٸمٸمٸز بەن دٷنيەتانىمىمىزعا ەبدەن سٸڭٸستٸ بولىپ قالعان تاپتاۋرىن قاعيدالاردان ارىلۋ جەنە رۋحاني جاعىنان سەرپٸلۋ كەرەكتٸگٸن دە ەرقاشان باستى نازاردا ۇستادى.
30 جىلعا جۋىق ۋاقىتتا تەۋەلسٸزدٸگٸمٸزدٸڭ تامىرىن تەرەڭدەتٸپ, ەلدٸڭ ەڭسەسٸن كٶتەرٸپ, ايبىنىن اسقاقتاتاتىن استانا قالاسىن ەلەم تانىعان ەلورداعا اينالدىردى. بۇل ايتۋلى شاھاردا قانشاما ستراتەگييالىق شەشٸمدەر قابىلدانىپ, ٸرگەلٸ ەڭبەكتەر جٷزەگە اسىرىلدى.
بٷگٸنگٸ جەتكەن جەتٸستٸگٸمٸزدٸڭ دە تٸكەلەي تۇڭعىش پرەزيدەنتٸمٸزگە قاتىستى ەكەنٸن جوققا شىعارا المايمىز. سول سەبەپتٸ, ەلباسىنىڭ كەشە عانا جاساعان تاريحي مەلٸمدەمەسٸ كٶرەگەندٸك پەن كەمەڭگەرلٸكتٸڭ نەتيجەسٸ دەپ بٸلەمٸن.
ەلدٸڭ ەرتەڭٸن ويلايتىن, ساناسى سەرگەك, ۇلتتى بولاشاققا باعىتتاي الاتىن قاسىم-جومارت كەمەلۇلى توقاەۆتى پرەزيدەنتتٸككە ۇسىنۋىندا دا بٸرٸنشٸ كەزەكتە حالىقتى, كەلەشەك ۇرپاقتى ويلاۋ مٷددەسٸ تۇرعاندىعى انىق.
ەلباسىمىزدىڭ ٶزٸ باس سەۋلەتشٸسٸ بولعان استانا قالاسىنا نۇر-سۇلتان اتى بەرٸلۋٸ جٶنٸندەگٸ شەشٸمدٸ ٶز تاراپىمنان تولىقتاي قولدايمىن جەنە وسى ٶزگەرٸس پەتروپاۆل, پاۆلودار, ٶسكەمەن, ليساكوۆسك, رۋدنىي, ت.ب. قالالاردىڭ اتىنىڭ ٶزگەرۋٸنە باستاما بولسىن دەگەن تٸلەگٸم بار!..
ۇلىقبەك ەسدەۋلەت,
قازاقستان جازۋشىلار وداعى
باسقارماسىنىڭ تٶراعاسى
.jpeg)