Ulybritaniiada 8 mln astam otbasy 14 shildeden bastap 326 fýnt sterling kóleminde járdemaqy alady. Al kúzde 324 fýnt sterling somasynda ekinshi tólem beriledi, dep habarlaidy QazAqparat BBC News-ke silteme jasap.
Bul 37 mlrd fýnt sterling kólemindegi úkimet paketiniń bir bóligi. Ol elektr energiiasyna, azyq-túlikke jáne otynǵa jumsalatyn shyǵyndar kúrt ósken jaǵdaida halyqtyń eń osal toptaryna kómek kórsetýge baǵyttalǵan.
Eń tómengi kúnkóris mólsherinde eki tólem – barlyǵy 650 fýnt sterling Angliia, Ýels, Shotlandiia jáne Soltústik Irlandiianyń qandai da bir járdemaqy alatyn barlyq turǵynyna avtomatty túrde aýdarylady.
Sonymen qatar áleýmettik jaǵdaiyna qaramastan Ulybritaniiadaǵy barlyq otbasy kúzde elektr energiiasyn tóleýge kómek retinde 400 fýnt sterling, sondai-aq buryn jariialanǵan mýnitsipaldy salyq jeńildikteri retinde 150 fýnt sterling alady.
Budan bólek zeinetkerler úshin 300 fýnt sterling jáne múgedekter úshin 150 fýnt sterling mólsherinde jeke tólem jasalady, ol 650 fýnt sterlingke qosymsha tólenedi.
Úkimettiń baǵalaýynsha, tabysy tómen milliondaǵan azamatqa biyl kem degende 1200 fýnt sterling kóleminde qoldaý kórsetiledi. Mamyr aiynda Ulybritaniia biligi qazan aiyndaǵy elektr energiiasynyń qymbattaýyna bailanysty halyqqa ótemaqy bóletinin jariialady.
