Londonda (Ulybritaniia) Halyqaralyq Azamattyq aviatsiia agenttigi (CAAi) men Qazaqstannyń aviatsiialyq ákimshiligi arasynda azamattyq aviatsiiany retteýdiń britandyq úlgisine kóshý boiynsha tehnikalyq qoldaý kórsetý týraly kelisim jasaldy, dep habarlaidy "Ult aqparat".
QR Azamattyq aviatsiia komitetiniń Facebook-tegi paraqshasynda jariialanǵan aqparatqa sáikes, jańa retteý júiesi qazaqstandyq áýe kóligi sektorynyń ósýine qoldaý kórsetip, Qazaqstannyń aviatsiia indýstriiasy jahandyq oiynshy bolýyna negiz bolady. Kelisim aiasynda aldaǵy 12 ai ishinde Ulybritaniianyń Azamattyq aviatsiia agenttiginiń (UK CAA) retteý jónindegi sarapshylary Qazaqstannyń aviatsiialyq ákimshiligine (QAÁ) qoldaý kórsetedi jáne Qazaqstandaǵy zańnamany taldap, EASA/EO erejelerin odan ári engizý jáne olardy UK CAA modelimen kelisý joldaryn usynady. Ekinshi jumys kezeńi Qazaqstannyń aviatsiialyq ákimshiliginiń uiymdyq qurylymyna arnalyp, onda UK CAA úlgisine sáikes usynymdar beriledi. Halyqaralyq azamattyq aviatsiia agenttigine (CAAi) QAÁ tehnikalyq personalyn oqytý qajettilikterine taldaý júrgizý tapsyrylǵan.
«Biz qazaqstandyq áriptesterimizben yntymaqtastyq qarym-qatynas ornatqanymyzǵa qýanyshtymyz jáne biz QAÁ -ti qoldaýǵa niettimiz. Qazaqstan áýe kóligi sektoryn únemi jetildirýge zor talpynyspen qaraidy jáne osy jolda biz úshin jetekshi ról atqarý óte mańyzdy. Geografiialyq jaǵynan Qazaqstan eki alyp aviatsiialyq naryq ortasynda ornalasqan, sondyqtan tranzittik qosylystardyń kóp sanyn tartý, sondai-aq onyń halyqaralyq jelisin keńeitý úshin úlken áleýeti bar. Muny qadaǵalaý úshin Qazaqstannyń normativtik-quqyqtyq bazasy jetildire túsip, bul Qazaqstanǵa aviatsiiadan keletin áleýmettik-ekonomikalyq tiimdilikti arttyrýǵa múmkindik beredi», - dedi CAAi Halyqaralyq damý bóliminiń basshysy Mattiis Smit.
Qazaqstan Respýblikasy Indýstriia jáne infraqurylymdyq damý ministri Beibit Atamqulovtyń aitýynsha, osy uiymnyń negizgi qyzmeti aviakompaniialar men áýe kemelerin tehnikalyq baqylaý jáne qadaǵalaý, IKAO standarttaryna sáikes personaldy oqytý bolyp tabylady.
«Endi Qazaqstanǵa ushý qaýipsizdiginiń eýropalyq standarttaryn engizýge Britandyq agenttiktiń jetekshi eýropalyq sarapshylary tehnikalyq qoldaý kórsetedi», - dep atap ótti Beibit Atamqulov.
Qazaqstannyń aviatsiialyq ákimshiliginiń bas direktory Piter Griffits: «Bul kelisim Qazaqstannyń aviatsiialyq ákimshiligi qyzmetkerleriniń biliktiligi men quzyrettiligin arttyrýǵa, sondai-aq Ulybritaniianyń aviatsiialyq biliginiń úzdik tájiribesin alýǵa múmkindik beredi. Aviatsiialyq ákimshilikti qurý Qazaqstannyń aviatsiia salasyn memlekettik retteýdiń halyqaralaq úzdik tájiribesine kóshýin jyldamdatady. Qazaqstannyń aviatsiialyq ákimshiligi áýe ushýlarynyń qaýipsizdigi siiaqty mańyzdy salada baqylaý men qadaǵalaýdy qamtamasyz etetin bolady. UK CAA-men kelisim IKAO talaptaryna sáikes kelýge múmkindik beretin ushý qaýipsizdiginiń 80 paiyzdyq deńgeiine qol jetkizýdi maqsat etken Qazaqstannyń aviatsiialyq ákimshiligin qoldaýǵa baǵyttalǵan», - deidi.
Ulybritaniia jáne Soltústik Irlandiia Birikken Koroldiginiń Qazaqstandaǵy elshisi Maikl Gifford pen onyń Halyqaralyq saýda departamentindegi (DIT) áriptesteri osy jobanyń júzege asýy úshin turaqty túrde qoldaý kórsetti.
«Ulybritaniia kóptegen salalarda eń ozyq tájiribe kózi bolyp tabylady. Qazaqstannyń azamattyq aviatsiiany retteýdiń britandyq úlgisin qabyldaýy, úkimettik qurylymdardyń bizdiń saraptamalyq bilim men ekonomikalyq reformalardy qoldaýymyzǵa júginetindigin kórsetedi. Britandyq úkimet Qazaqstanmen qarym-qatynasymyzdy nyǵaitýǵa baǵyttalǵan ustanymyn kórsetip otyr. Biz Qazaqstannyń áýe kóligi sektorynyń ósýine yqpal etetin jáne Qazaqstannyń aviatsiia indýstriiasynyń jahandyq oiynshy bolýyna negiz bolatyn jańa bastamanyń iske qosylýyna maqtanyshpen kýá bolyp otyrmyz», - dep atap ótti DIT direktory Edmýnd Marler.
Jobanyń alǵashqy kezeńi 2019 jyldyń qazan aiynda bastalady. Ekinshi kezeńde besjyldyq strategiialyq jospar jáne ekonomikalyq turaqtylyqty qamtamasyz etetin jospar ázirlenedi.
