Foto: baq.kz
QR Oqý-aǵartýministrligi Balalardyń quqyqtaryn qorǵaý komiteti Ulybritaniiada dúniege kelgen bir jasar qyzdyń elge aman-esen oralǵanyn habarlaidy. Bastapqyda Ulybritaniianyń quzyrly organdary sábidi britandyq otbasyǵa asyrap berý múmkindigin qarastyrǵandyqtan, atalǵan jaǵdai shuǵyl áreket etýdi talap etti. Qazaqstandyq taraptyń úilesimdi ári jedel is-qimylynyń nátijesinde sábi óziniń týǵan ájesimen jáne ákesimen qaýyshty.
Mamandardyń týystarymen júrgizilgen profilaktikalyq jáne túsindirý jumystarynyń barysynda qyzdyń ájesi men ákesi balany óz qamqorlyǵyna alyp, otbasynda tárbieleýge nietti ekenderin bildirdi.
«Kishkentai otandasymyzdy elge qaitarý úshin QR Syrtqy ister ministrligimen birlese otyryp aýqymdy jumys atqaryldy. Biz sábidiń jaqyn týystaryn anyqtap, ony Qazaqstanǵa qaitarý týraly sheshimge qol jetkizdik. Qazirgi ýaqytta búldirshin óz úiinde, týǵandarynyń janynda», — dep atap ótti QR Oqý-aǵartý ministrligi Balalardyń quqyqtaryn qorǵaý komitetiniń tóraǵasy Nasymjan Ospanova.
Sondai-aq, elge qaitarý sharalary aiasynda balaǵa qazaqstandyq úlgidegi týý týraly kýálik rásimdeldi.
