Koronavirýstyń B1525 dep atalǵan jańa túri Ulybritaniia men AQSh sekildi birneshe elden anyqtalyp otyr. Bul týraly Edinbýrg ýniversitetiniń zertteýshilerine siltei otyryp, Guardian basylymy habarlady. Jańa shtamm alǵash ret jeltoqsan aiynda Ulybritaniia men Nigeriiada tirkelgen.
Ǵalymdardyń sózinshe, koronavirýstyń jańa túri jeltoqsan aiynyń ortasynda Ulybritaniiada tarai bastaǵan B117 shtamyna uqsas, biraq onyń antidenelerge tózimdiligi joǵary. Virýstyń jańa nusqasymen Ulybritaniiada kemi 32 adam, Daniiada – 35, Nigeriiada – 12 adam tirkelgen. AQSh, Frantsiia, Gana, Avstraliia, Kanada, Iordaniia jáne Ispaniia elderinde birneshe adamnan anyqtalǵan.
Koronavirýstyń mýtatsiialary byltyrǵy kúzden bastap úlken máselege ainalyp otyr. Ǵalymdar sol kezde Ulybritaniiada SARS-CoV-2 virýsynyń juqpalyǵy joǵaryraq nusqasy anyqtalǵanyn habarlaǵan.
Sodan keiin OAR-da taǵy bir shtamm paida boldy. Synaq AstraZeneca jáne Pfizer vaktsinalarynyń jańa shtamǵa qarsy tiimdiligi tómen ekenin kórsetken. Osydan soń OAR AstraZeneca vaktsinasyn óndiretin úndistandyq kompaniiaǵa júginip, 1 million dozany qaitaryp alýdy suraǵan dep jazdy Economic Times basylymy sheneýnikterge siltei otyryp.
Kúndelik tirkeletin Covid naýqastarynyń sany besinshi apta qatarynan tómendep keledi. Bul týraly Dúniejúzilik densaýlyq saqtaý uiymynyń bas direktory Tedros Gebreiesýs málimdedi. Jyl basynda aptasyna bes million adam tirkelip jatsa, qazir bul kórsetkish eki millionǵa deiin tómendegen.
Djons Hopkins ýniversitetiniń málimetinshe, indet bastalǵaly álemde 109 millionnan astam adam koronavirýspen tirkelgen. Onyń 2,4 millionnan astamy kóz jumǵan.
