Ulybritaniiadaǵy ahýal - álemdegi kúrdeli jaǵdailardyń biri. Bul týraly QR Úkimeti janyndaǵy koronavirýstyń taralýyna jol bermeý jónindegi VAK jumysy týraly telegram kanaly habarlady.
Senbide Covid-19-dan taǵy 1 035 adam qaitys boldy. Juqtyrǵandar sany boiynsha Ulybritaniia álemde besinshi orynda tur - 3 millionnan astam adam dertke shaldyqqan. Sońǵy táýlikte indetti juqtyrǵandardyń 60 myńǵa jýyq jańa jaǵdaiy tirkelgen.
Álemde COVID-19 juqtyrǵandar sany boiynsha ekinshi (10,4 mln adam) jáne qaitys bolǵandar sany boiynsha úshinshi (150,7 myń) orynda turǵan Úndistan 16 qańtardan bastap halyqty vaktsinatsiialaý boiynsha keń aýqymdy naýqan bastamaq.
Izrail barlyq kámeletke tolǵan barlyq azamattaryna COVID-19 qarsy ekpe saldyrǵan álemdegi birinshi el bolmaq. El biligi 16 jastan asqan barlyq izraildikterdiń naýryz aiynyń aiaǵyna deiin ekpe ala alady dep josparlaýda.
Ótken jyly COVID-19 indeti alǵash ret tirkelgen Qytaida, el biligi Hebei provintsiiasynyń 11 million turǵyny bar Shitsziachjýan qalasymen kólik qatynasyn toqtatty. Qala aýrýhanalaryna 3 myńǵa jýyq dáriger jiberildi. Turǵyndardy jappai testileý jumystary júrgizilýde. Mektepter men balabaqshalarda sabaq toqtatyldy.
