Foto: ©RIA Novosti
Patshaiym Elizaveta II-niń jerleý kúni Ulybritaniiada ulttyq mereke bolyp jariialandy, - dep habarlaidy Tengrinews.kz agenttigi Daily Mail basylymyna silteme jasap.
Korol Charlz III dúisenbi, 19 qyrkúiekti Ulybritaniiada ulttyq mereke dep jariialaý týraly buiryqty resmi túrde bekitti. Býkingem saraiy men Ulybritaniia Úkimeti bul mereke turǵyndarǵa, kásiporyndarǵa jáne basqa uiymdarǵa patshaiym biligin qurmetteýge múmkindik beredi dep málimdedi.
Korol anasy jerlengen kúndi demalys kúni dep jariialaǵanymen, zań britandyq jumys berýshilerden qyzmetkerlerge demalys berýdi talap etpeitini atap ótilgen.
"Úkimet jumys berýshiler men qyzmetkerler arasyndaǵy qoldanystaǵy kelisimshartqa aralasa almaidy. Degenmen, biz kóptegen jumysshylar mereke kúnderi demalys alady dep oilaimyz. Sondai-aq, biz jumys berýshiler jerleý kúninde demalys alǵysy keletin jumysshylardyń ótinishterine jaýap beredi degen úmittemiz", - delingen habarlamada.
Jerleý kúni mektepter men mádeniet mekemeleri jabylady, biraq aýrýhanalar men sottar ashyq bolady.
Jerleý rásimine álemniń túkpir-túkpirinen memleket basshylary shaqyrylǵan, sonymen qatar britandyq joǵary laýazymdy saiasatkerler men burynǵy premer-ministrler de qatysady.
