Ulybritaniiada II Elizavetanyń taqta otyrýyna 70 jyl tolýyna orai tórt kúndik mereke bastaldy. Kópshilik Býkingem saraiynyń aldyna tań bozynan jinalǵan, dep habarlaidy QazAqparat euronews saityna silteme jasap.
«Meniń kempingke arnalǵan oryndyǵym, shatyrym, qolshatyr men uiyqtaýǵa arnalǵan qabym da bar. Patshaiym shyqqan kezde ol jaqsyraq kórinetin oryn alý úshin erterek keldim», - deidi Donna Ýorner.
Býkingem saraiy aldyna monarh otbasynyń jankúierleri eldiń túpkir-túpkirinen jinalǵan.
«Mundai oqiǵadan qalýǵa bolmaidy. Mine, osymen altynshy ret, ár mereitoi kezinde Londonǵa kelemin. Búgin de bul ǵajaiyp sátti – altyn kúimedegi patshaiymdy mindetti túrde kórýim kerek», - deidi Liverpýlden kelgen Hillei Grinhal.
II Elizavetanyń jasy qazir 96-da. Onyń taqta 70-jyl otyrýynyń qurmetine túrli kópshilik sharalar uiymdastyrylyp jatyr.
