Defender esmintsi Odessa portynda. 18 maýsym 2021 jyl.
Avtobýs aialdamasynan Ulybritaniia esmintsi Defender týraly jáne el áskeri týraly qupiia málimetter jazylǵan qujat tabyldy. Bul týraly 27 maýsym kúni BBC habarlady, dep jazady Azattyq.
Ulybritaniia úkimeti osy qujatqa jaýapty qyzmetker ony joǵaltqanyn ótken aptada málimdedi dedi. Qazir tergeý júrip jatyr.
Qujatty taýyp alǵan adam BBC-ge habarlasyp, aty-jónin atamaýdy suraǵan. Aitýynsha, ol qupiia qaǵazdardy 22 maýsym kúni Kent graftyǵyndaǵy aialdamanyń artqy jaǵynan taýyp alǵan.
BBC-diń jazýynsha, qupiia qaǵazdar arasynda Defender esmintsi Qyrym jaǵalaýynan júzip ótkenine Reseidiń qandai reaktsiia tanytýy múmkin ekenin talqylaityn qujat bar. Keme Qyrym jaǵasynyń janynan 23 maýsymda ótken.
Qorǵanys ministrligi qupiia qujattyń joǵalǵanyn ótken aptada bildi, tergeý júrip jatyr dedi ministrlik baspasóz hatshysy.
Defender esmintsi Ulybritaniianyń Úndi-Tynyq muhity aimaǵyna bara jatqan aviatsiialyq tobynyń quramyna kiredi.
23 maýsymda Resei Sevastopol qalasynyń janynda britaniialyq kemeniń baǵyty boiynsha eskertý oǵyn atyp, áskeri ushaqtyń jol boiyna bomba tastaǵanyn, sol arqyly Defender esmintsiniń baǵytyn ózgertýge tyrysqanyn aitty.
Ulybritaniia qorǵanys ministrligi Defender-ge qarata eskertý oǵynyń atylǵanyn joqqa shyǵaryp, Resei aldyn ala jariialanǵan áskeri jattyǵýlaryn ótkizdi dep málimdedi.
