Ulybritaniianyń ońtústik jaǵalaýyndaǵy Ýait aralynda turǵan «Nave Andromeda» tankeriniń bortynda ekipaj qaýipsizdigine qaýip tóndirgen jeti adam ustaldy, dep habarlaidy "Ult aqparat" VVS agenttigine silteme jasap.
Qazirgi kezde kemeniń britandyq jaǵalaýdan shamamen 10 shaqyrym jerde ornalasqan kezde, tańǵy saǵat 10-da ekipaj qaýip týraly dabyl bergeni belgili bolǵan. Jaǵalaýdaǵy qyzmet bul týraly aqparatty politsiiaǵa bergen, al politsiia óz kezeginde Ulybritaniianyń qorǵanys ministrligin aqparattandyrdy.
Oqiǵa kemeni basyp alý áreketi bolyp sanalǵan, eldiń qorǵanys ministrligi bul sharaǵa Britaniianyń SAS arnaiy desanttyq qyzmetin tartýdy sanktsiialady. Alty tikushaq qatysqan qutqarý operatsiiasy nebári toǵyz minýtqa sozyldy.
Kemeniń eń mańyzdy bólimderi ornalasqan jerge jasyrynyp úlgergen ekipaj músheleri zardap shekken joq.
