Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Ekonomika jáne biznes

Ulybritaniia Resei men Belarýske taǵy sanktsiia saldy

Ult portaly
Ulybritaniia Resei men Belarýske taǵy sanktsiia saldy

Britaniia premer-ministri Boris Djonson men Ýkraina prezidenti Vladimir Zelenskii. Kiev, 9 sáýir, 2022 jyl

Ulybritaniia Resei men Belarýske jańa sanktsiia saldy. Jalpy quny 1,7 milliard fýnt-sterling (2,1 milliard AQSh dollary) bolatyn saýda ainalymyna shek qoiyldy. Bul jóninde britan úkimeti baspasóz qyzmeti habarlady.

Britandyqtar esebi boiynsha, Resei Ýkrainaǵa basyp kirgeli Boris Djonson úkimeti 5 milliard dollar bolatyn taýardyń ári-beri tasymaldanýyna shek qoiǵan.

Reseiden importtalatyn 1,4 milliard fýnt-streling (1,7 milliard dollar) bolatyn taýardyń tarifi 35 paiyzǵa ósedi. Buǵan qosa platina men paladiidiń kedendik bajy artady.

"Resei – platina men paladii óndirý boiynsha álemdegi jetekshi elderdiń biri, sondyqtan ol platina men paladii ónimderin eksporttaý boiynsha Ulybritaniiaǵa qatty táýeldi" delingen Britaniia úkimetiniń túsindirmesinde.

"Pýtinniń Ýkrainaǵa qatysty josparyna tosqaýyl qoiyp, ýkrain halqyna qarsy varvarlyq áreketter jasalǵan zańsyz shabýyldy toqtatý úshin qoldan kelgenniń bárin jasaýǵa niettimiz. Uzaqqa ketetin sanktsiialardyń bul jolǵy legi Reseidiń áskeri mashinasyna qosymsha soqqy bolmaq" dedi Britaniianyń halyqaralyq saýda ministri Enn-Mari Trevelian.

Buǵan qosa, London eksportqa da shekteý qoidy. 200 million fýnt-streling shamasyndaǵy britan taýaryn Reseige eksporttaýǵa tyiym salyndy. Bul tizimde ásirese Reseide qat himikat, plastmassa, rezina, mashina qurylǵylary siiaqty taýarlar bar.

Bul – Britaniianyń Reseige qatysty eksport-import shekteýiniń úshinshi legi. Osydan keiin sanktsiiaǵa ilikken Resei importynyń kólemi 96 paiyzǵa, Reseige Britaniia eksportynyń kólemi 60 paiyzǵa jetpek.

Naýryzdyń ortasynda London Reseige qymbat zattardy eksporttaýǵa tyiym salǵan jáne Reseidiń kei taýarlaryna, sonyń ishinde araqqa tarifti arttyrǵan. Sáýirdiń sońynda ýkrain halqyna qarsy qoldanylýy múmkin degen taýarlardy eksporttaýǵa shek qoiyldy.

Oqi otyryńyz