8 qyrkúiekte 97 jasqa qaraǵan shaǵynda Ulybritaniia patshaiymy Elizaveta II baqilyq boldy. Bul týraly Býkingem saraiy habarlady.
Elizaveta II patshaiym taqqa 1952 jyldyń 6 aqpanynda, iaǵni 25 jasynda, ákesi VI Georgtyń qazasynan keiin otyrǵan edi.
Elizaveta II - Ulybritaniia tarihyndaǵy taqta eń kóp otyrǵan monarh. Ol 70 jyl Ulybritaniia patshaiymy boldy.
8 qyrkúiekte Ulybritaniiada Elizaveta II patshaiymnyń aýyryp jatqany, dárigerlerdiń onyń densaýlyǵyna "alańdaityny" habarlanǵan. Patshaiymnyń balalary men korol otbasynyń músheleri búgin, 8 qyrkúiekte Shotlandiiadaǵy Balmoraldaǵy saraiǵa jinalǵan.
Elizaveta II patshaiymnyń birneshe aidan beri syrqattanyp jatqany aitylǵan edi, sondyqtan ol Ulybritaniiadaǵy birtalai sharalarǵa qatysýdan bas tartqan. Máselen, biyl Elizaveta II taqta otyrǵanyna 70 jyl tolǵan mereitoiǵa tolyq qatyspady. Resmi sharalarǵa úlken uly prints Charlz kelgen.
Endi prints Charlz Ulybritaniianyń jańa koroli bolady.
