Eger Ulybritaniia qazirgi kelisimder negizinde Eýropa odaǵynan shyǵatyn bolsa, 2030 jylǵa deiin JIÓ kólemi 4% qysqaryp, el ekonomikasy jyl saiyn 100 mlrd fýnt sterlingten qaǵylýy múmkin. Bul týraly The Independent gazeti Ulttyq ekonomika jáne áleýmettik zertteýler institýtyna silteme jasap habarlady.
Institýt qyzmetkerleriniń esepteýinshe, bul eldiń árbir turǵynynyń jyl saiynǵy tabysynyń 1090 fýn sterlingke qysqaratynyn bildiredi.
«Bizdiń negizgi qorytyndylarymyz, eger Brexit jónindegi qazirgi kelisim boiynsha, Ulybritaniia EO ortaq naryǵy men keden odaǵynan 2021 jyly shyǵatyndai bolsa, 2030 jylǵa qarai eldiń jalpy ishki ónimi, odaq quramynda qalǵan kúnindegimen salystyrǵanda 4% qysqarady», - deidi sarapshylar.
Mamandardyń aitýynsha, buǵan qyzmet kórsetý salasyndaǵy kedergiler sebep bolady. Kedergiler ekonomikanyń osy sektoryn tartymsyz etip, Eýropa odaǵynan keletin investitsiialar kóleminiń jáne britan jumysshylarynyń tiimdiliginiń qysqarýyna ákep soqtyrady.
