Breksitten keiin Ulybritaniia biliktiligi tómen qyzmetkerlerdi memleketke jumys isteýge kirgizbeitin boldy, dep habarlaidy VVS.
Ulybritaniia úkimeti jumys berýshilerge «arzan jumys kúshinen» bas tartyp, avtomattandyrý tehnologiialaryn damytý men qyzmetkerlerdi saqtap qalýǵa investitsiia quiýǵa shaqyrdy.
Ishki ister ministrligi Eýroodaq pen basqa memleket azamattary 31 jeltoqsannan keiin teń quqyqta bolatynyn málimdedi. Leiborister bul sheshim qyzmetkerlerdi tartýǵa kedergi keltiretinin aitty. Al Ishki ister ministri Priti Pateldiń aitýynsha, úkimet kerisinshe talantty adamdarǵa qoldaý kórsetip, Ulybritaniiaǵa keletin biliktiligi tómen qyzmetkerlerdiń qataryn azaitýdy qalaitynyn málimdedi.
VVS-diń jazýynsha, Ulybritaniiada «ekonomikalyq belsendiligi» joq 8 mln adam bar jáne kásiporyndar qajet jaǵdaida solardy jumysqa tarta alady.
Úkimet ókilderiniń habarlaýynsha, jańa immigratsiialyq júie baldyq júiege negizdeletin bolady. Soǵan sáikes Ulybritaniiada jumys istegisi keletin azamattar keminde 70 ball jinaýy kerek.
