Foto ©REUTERS
Ulybritaniia Resei prezidenti Vladimir Pýtinge qarsy sanktsiialardyń sońǵy raýndyn jariialady, - dep habarlaidy Tengrinews.kz.
Bul týraly úkimet saitynda Ulybritaniianyń syrtqy ister ministri Liz Trass málimdedi.
Shekteýler Resei prezidentiniń burynǵy áieli Liýdmila Ocheretnaiaǵa, eki nemere aǵasy - Igor men Roman Pýtinderge jáne basqa da týystary men "prezidenttiń dostaryna" áser etetini atap ótildi. Alina Kabaeva men onyń ájesi Anna Zatsepilina da sanktsiiaǵa ilikken.
Jańa sanktsiialarǵa aktivterdi buǵattaý, Ulybritaniiaǵa kirýge nemese turýǵa tyiym salý jáne kólikke qatysty shekteýler kiredi.
Aita keteiik, Ulybritaniia buǵan deiin 1000-nan astam jeke jáne 100 zańdy tulǵaǵa qarsy sanktsiia salǵan. Resei prezidenti Vladimir Pýtinniń eki qyzy men syrtqy ister ministri Sergei Lavrovtyń qyzyna da sanktsiia salynǵan bolatyn.
