Foto: Týrizm jáne sport ministrligi
Bul jolǵy saparǵa 325 týrist pen 20 tehnikalyq qyzmetker attandy, dep habarlaidy Ult.kz inbusiness.kz-ke silteme jasap.
Naýryz merekesine orai uiymdastyrylǵan saiahat týristerge kóktemgi demalysty otbasymen birge ótkize otyryp, biregei mádeni-tarihi oryndarmen tanysýǵa múmkindik berdi. Týr barysynda qatysýshylar Túrkistan, Otyrar, Samarqand, Tashkent jáne Ortalyq Aziianyń eń kóne qalalarynyń biri – Tarazǵa baryp, óńirdiń tarihymen tanysty.
Saiahatqa qatysýshylar úshin Taraz qalasy erekshe áser qaldyrǵan aialdamalardyń biri boldy. Kieli Jambyl jeri qonaqtardy shyǵys mádenietine tán qonaqjailyqpen qarsy alyp, ulttyq taǵamdar men Naýryz merekesine arnalǵan dámder usyndy. Sondai-aq jolaýshylar árbir qalanyń tarihymen, mádenietimen jáne gastronomiiasymen jaqynnan tanysýǵa múmkindik aldy.
Jibek Joly týristik poiyzy ishki týrizmdi damytýda, sondai-aq Qazaqstan men Ortalyq Aziia elderiniń mádeni murasyna degen qyzyǵýshylyqty arttyrýda mańyzy zor joba.
