Senator, Halyqaralyq qatynastar, qorǵanys jáne qaýipsizdik komitetiniń tóraǵasy Muhtar Qul-Muhammed "Rossiia 1" telearnasynda jýrnalist Vladimir Solovevtiń Qazaqstan týraly aitqan málimdemesine qatysty pikir bildirdi, - dep habarlaidy "Ult aqparat" Senattyń baspasóz qyzmetine silteme jasap.
"Solovev álemniń kóptegen elderinde burynnan non grata alǵan adam bolatyn jáne qazir búkil jerdegi sanktsiialyq qara tizimderdi kósh bastap keledi. Sondyqtan ol yza-kektiń býynan eldiń bárine jarmasyp, ýly silekeiin shashyp júr. Buryn «Rossiia 1» birinshi arnasynda Almatyǵa bombalardy «tastap jiberý» týraly da aitqan bolatyn. Baǵdarlamanyń qonaǵy – Memlekettik Dýmanyń depýtaty Onishenko da odan qatty shoshynyp qalǵan edi.
Barshaǵa degen jekkórýshilik kesirinen ol kóbinese ózeýrep ózi sóileidi jáne baǵdarlamanyń meimandaryn janjal men arandatýǵa itermeleidi. Onyń bári tikelei efirde jáne esýas keipinde bolady" - deidi Qul-Muhammed.
Senator reseilik saiasattanýshy Drobnitskiidiń «kelesi problema Qazaqstan bolýy múmkin. Óitkeni ultshyldyq úrdisteri sol jerde de bastalýy yqtimal» degen sózinen bizdiń elimizge tikelei qater tóndirý anyq baiqalyp otyrǵanyn atap ótti.
"Eger ol Eýraziialyq ekonomikalyq odaq pen UQShU-da bizben birge turǵan ózimizge dos Reseidiń memlekettik arnasynyń efirinde kórsetilmese, dúdámal sarapshy-fantast Drobnitskii-Jýkovtyń pikirine nazar aýdarmas edik. Reseilik saiasatkerlerdiń osyndai ekpindi, maqsatty shabýyldary Solovevtiń shoýynda burynnan júieli túrde jalǵasyp kele jatqandyqtan, olar Resei Federatsiiasynyń federaldy biligi tarapynan obektivti jaýapqa laiyq.
Qazaqstan 30 jyldan astam ýaqyt boiy táýelsiz memleket bolyp keledi. Solovev pen sol sekildi saiasatkerler shynaiy shyndyqty túsinip, jańa geosaiasi aqiqatpen sanasýdy úirenetin ýaqyt keldi" - dep túiindedi Muhtar Abraruly.
