سەناتور, حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ تٶراعاسى مۇحتار قۇل-مۇحاممەد "روسسييا 1" تەلەارناسىندا جۋرناليست ۆلاديمير سولوۆەۆتٸڭ قازاقستان تۋرالى ايتقان مەلٸمدەمەسٸنە قاتىستى پٸكٸر بٸلدٸردٸ, - دەپ حابارلايدى "ۇلت اقپارات" سەناتتىڭ باسپاسٶز قىزمەتٸنە سٸلتەمە جاساپ.
"سولوۆەۆ ەلەمنٸڭ كٶپتەگەن ەلدەرٸندە بۇرىننان نون گراتا العان ادام بولاتىن جەنە قازٸر بٷكٸل جەردەگٸ سانكتسييالىق قارا تٸزٸمدەردٸ كٶش باستاپ كەلەدٸ. سوندىقتان ول ىزا-كەكتٸڭ بۋىنان ەلدٸڭ بەرٸنە جارماسىپ, ۋلى سٸلەكەيٸن شاشىپ جٷر. بۇرىن «روسسييا 1» بٸرٸنشٸ ارناسىندا الماتىعا بومبالاردى «تاستاپ جٸبەرۋ» تۋرالى دا ايتقان بولاتىن. باعدارلامانىڭ قوناعى – مەملەكەتتٸك دۋمانىڭ دەپۋتاتى ونيششەنكو دا ودان قاتتى شوشىنىپ قالعان ەدٸ.
بارشاعا دەگەن جەككٶرۋشٸلٸك كەسٸرٸنەن ول كٶبٸنەسە ٶزەۋرەپ ٶزٸ سٶيلەيدٸ جەنە باعدارلامانىڭ مەيماندارىن جانجال مەن ارانداتۋعا يتەرمەلەيدٸ. ونىڭ بەرٸ تٸكەلەي ەفيردە جەنە ەسۋاس كەيپٸندە بولادى" - دەيدٸ قۇل-مۇحاممەد.
سەناتور رەسەيلٸك ساياساتتانۋشى دروبنيتسكييدٸڭ «كەلەسٸ پروبلەما قازاقستان بولۋى مٷمكٸن. ٶيتكەنٸ ۇلتشىلدىق ٷردٸستەرٸ سول جەردە دە باستالۋى ىقتيمال» دەگەن سٶزٸنەن بٸزدٸڭ ەلٸمٸزگە تٸكەلەي قاتەر تٶندٸرۋ انىق بايقالىپ وتىرعانىن اتاپ ٶتتٸ.
"ەگەر ول ەۋرازييالىق ەكونوميكالىق وداق پەن ۇقشۇ-دا بٸزبەن بٸرگە تۇرعان ٶزٸمٸزگە دوس رەسەيدٸڭ مەملەكەتتٸك ارناسىنىڭ ەفيرٸندە كٶرسەتٸلمەسە, دٷدەمال ساراپشى-فانتاست دروبنيتسكيي-جۋكوۆتىڭ پٸكٸرٸنە نازار اۋدارماس ەدٸك. رەسەيلٸك ساياساتكەرلەردٸڭ وسىنداي ەكپٸندٸ, ماقساتتى شابۋىلدارى سولوۆەۆتٸڭ شوۋىندا بۇرىننان جٷيەلٸ تٷردە جالعاسىپ كەلە جاتقاندىقتان, ولار رەسەي فەدەراتسيياسىنىڭ فەدەرالدى بيلٸگٸ تاراپىنان وبەكتيۆتٸ جاۋاپقا لايىق.
قازاقستان 30 جىلدان استام ۋاقىت بويى تەۋەلسٸز مەملەكەت بولىپ كەلەدٸ. سولوۆەۆ پەن سول سەكٸلدٸ ساياساتكەرلەر شىنايى شىندىقتى تٷسٸنٸپ, جاڭا گەوساياسي اقيقاتپەن ساناسۋدى ٷيرەنەتٸن ۋاقىت كەلدٸ" - دەپ تٷيٸندەدٸ مۇحتار ابرارۇلى.
