Foto: QR MAM
20–21 maýsym kúnderi elordada ótetin halyqaralyq «Operaliia» mýzyka festivali aiasynda «Astana Opera» teatry kórermenge Petr Chaikovskiidiń «Uiqydaǵy arý» baletiniń jańa qoiylymyn usynady, dep habarlaidy Ult.kz.
Bul álem baletiniń altyn qorynan oryn alǵan týyndy ǵana emes, qazaq sahnasy úshin mádeni dińgekke ainalar kórkemdik qubylys.
Qoiylym QR Mádeniet jáne aqparat ministrliginiń qoldaýymen sahnalanyp otyr. Spektakldiń jańa redaktsiiasyn teatrdyń balet trýppasynyń kórkemdik jetekshisi, Reseidiń halyq ártisi Altynai Asylmuratova ázirledi.
Ol «Uiqydaǵy arýmen» óziniń kásibi jolyn tyǵyz bailanystyratyn, balet ónerin ómiriniń ózegine ainaldyrǵan tulǵa. Jas kezinde bul spektakldegi basty partiialardy Mariin teatrynda ózi oryndaǵan Asylmuratova endi sol shyǵarmashylyqqa horeograf retinde oralyp, klassikalyq mekteptiń názik órnegin saqtai otyryp, ony búgingi zamanmen úndestirýge niet etip otyr.
